Ճնշում ունեցողները ձու կարող են ուտել, թե ոչ․ Բժշկի պատասխանը

Հավի ձվերը ցուրտ սեզոնի ընթացքում ձեր սննդակարգի լավագույն հավելումներից են, դրանք հարուստ են առողջարար սննդանյութերով: Բայց արդյոք այս մթերքը հարմար է բացարձակապես բոլորի համար:

Ամենից հաճախ հավի ձու ուտելու մտահոգությունները կապված են դրանցում պարունակվող խոլեստերինի հետ: Իսկապես, մեկ ձուն պարունակում է ավելի քան 200 մգ խոլեստերին: Բայց իրականում ձվի խոլեստերինը մարսվելիս հավասարակշռվում է մեկ այլ բաղադրիչով՝ լեցիտինով, և չի վնասում մարդու օրգանիզմին։ Բացի այդ, խոլեստերինը օրգանիզմին անհրաժեշտ է չափավոր չափաբաժիններով, քանի որ այն մասնակցում է սրտանոթային համակարգի գործունեության կարգավորման գործընթացներին:

Սննդային տեսանկյունից շաբաթական պետք է ուտել մոտ 4-6 ձու։ Գիտնականները նշում են, որ մարդիկ, ովքեր արդեն ունեն արյան մեջ խոլեստերինի բարձր մակարդակ, պետք է շաբաթական 2 դեղնուցից և 6-8 սպիտակուցից ավել չուտեն։ Մասնագետները նաև զգուշացրել են, որ մարդկանց փոքր տոկոսը չի կարող իրեն թույլ տալ ուտել ձվից պատրաստված ուտեստներ՝ նրանց օրգանիզմը գենետիկական բնութագրերի պատճառով ի վիճակի չէ մարսել այս մթերքը։

Բացի այդ, մասնագետները զգուշացրել են հում ձու ուտելու վտանգի մասին՝ նման սովորությունը կարող է նպաստել աղիքային վարակի առաջացմանը։ Միաժամանակ, ըստ նրանց, այս մթերքը ավելորդ վերամշակում չի պահանջում՝ առողջության համար նախընտրելի է պարզապես խաշած ձուն, քանի որ պահպանում է սննդանյութերի առավելագույն քանակությունը։