Ինչ առողջական խնդիրներ է վերացնում այս դիրքով քնելը
Դիտումներ 1017 
Եթե քնելուց քիչ առաջ ծանր կերակուր եք կերել, ապա կրծքավանդակում այրոցն ու սրտխառնոցը միանգամայն կառաջանան: Դուք կարող եք արագ հրաժեշտ տալ տհաճ իրավիճակներին, ասում է փորձագետը, և քնելու դիրքը կօգնի ձեզ դրանում։
Այրոցը պարբերաբար տանջում է միլիոնավոր մարդկանց։ Այրոցի ժամանակ մարդն զգում է՝ կրծքավանդակի և որովայնի շրջանում տհաճ այրոց, ստամոքսի ցավ, երբեմն՝ սրտխառնոց։
Այս վիճակը կարող է շատ անհարմարություններ առաջացնել, այն պահանջում է մասնագետի խորհրդատվություն, սակայն այն չի կարելի մահացու համարել։ Լիովին նորմալ է ժամանակ առ ժամանակ այրոց զգալը, հատկապես ծանր և բարձր կալորիականությամբ կերակուրից հետո:
Եթե քնելուց այրոց եք զգում փորձեք թեքվել ձախ կողմ, ասում է Էշլի Հեյնսվորթը: Երբ խոսքը վերաբերում է թթվային ռեֆլյուքսի անցանկալի հետևանքները նվազագույնի հասցնելուն, ավելի լավ է քնել կողքի վրա, իսկ ավելի կոնկրետ՝ ձախ կողմում: Հենց այստեղ է ուժի մեջ մտնում գրավիտացիան: Երբ մարդը պառկում է ձախ կողքի վրա, ապա աղեստամոքսային տրակտի այս դիրքում ամենահեշտ է մարսել սնունդը։
Եթե զգում եք, որ այդ մեթոդը չի օգնում խմեք այրոցի դեմ դեղամիջոց։ Եվ, իհարկե, աշխատեք տոներին շատ չսնվել՝ այս կերպ կարող եք խուսափել այրոցից և պահպանել կազմվածքը։
Նույնիսկ եթե չես կարող հրաժարվել մայոնեզով և ամանորյա այլ ուտեստներից, աղցաններից, այնուամենայնիվ, այրոցից խուսափելու միջոցներ կան։
Փորձեք սննդաբան Ռոզի Միլլենից մի քանի հնարքներ.
Ամանորյա հյուրասիրություններից հետո մի գնացեք քնելու, այլ գնացեք զբոսնելու, շատ մի կերեք մեկ ճաշի ժամանակ, ավելի լավ է ուտել քիչ-քիչ և հաճախ։
Փորձեք խառնել խմորի սոդան մի փոքր ջրի հետ՝ ակնթարթային թեթևացման համար։ Խմորի սոդան կարող է չեզոքացնել թթուն և հանգստացնել տհաճությունը:
Խնջույքից հետո ձեզ համար կազմակերպեք պահքի օր՝ խմեք կեֆիր, կերեք գազար և խնձոր, մի մոռացեք մաքուր խմելու ջրի մասին։ Ստամոքս-աղիքային տրակտն անպայման շնորհակալություն կհայտնի ձեզ։
Ամենաընթերցվածը
