Տեսեք ինչ գրառում է արել Մակրոնը Հայոց ցեղասպանության թանգարանի Պատվավոր հյուրերի հուշամատյանում
Դիտումներ 1466 
Հայոց ցեղասպանության թանգարան-ինստիտուտից հայտնում են, որ պետական այցով Հայաստան ժամանած Ֆրանսիայի նախագահ Էմանուել Մակրոնի գլխավորած պատվիրակությունն այցելեց Հայոց ցեղասպանության հուշահամալիր։ Այնտեղ նրան դիմավորեցին ՀՀ նախագահ Վահագն Խաչատուրյանի, Երևանի քաղաքապետ Տիգրան Ավինյանի, ԿԳՄՍ նախարար Ժաննա Անդրեասյանի, Ֆրանսիայում ՀՀ արտակարգ և լիազոր դեսպան Արման Խաչատրյանը և ՀՑԹԻ տնօրենի ժամանակավոր պաշտոնակատար Հրաչյա Թաշչյանը։
Երկու երկրների նախագահները ծաղկեպսակներ դրեցին Հայոց ցեղասպանության զոհերի հիշատակը հավերժացնող հուշակոթողին, որից հետո պատվիրակության մյուս անդամները ծաղիկներ խանորհեցին անմար կրակի մոտ և մեկ րոպե լռությամբ հարգեցին Հայոց ցեղասպանության զոհերի հիշատակը:
Այնուհետև հյուրերը մոտեցան Հուշապատին, որտեղ զետեղված են Հայոց ցեղապասնության դեմ բողոքի ձայն բարձրացրած մի շարք մտավորականների, քաղաքական և հասարակական գործիչների գերեզմաններից վերցված հողով լի փոքր սափորները: Էքսկուսավար Հասմիկ Մարտիրոսյանը հյուրերին ներկայացրեց նրանց անունմերը՝ հատուկ ուշադրություն հրավիրելով ֆրանսիացիներ Անատոլ Ֆրանսի և Դարթիժ դյու Ֆուռնեի հայանպաստ գործունեությանը:
Այցի ավարտին Ֆրանսիայի նախագահ Էմանուել Մակրոնը գրառում կատարեց Պատվավոր հյուրերի հուշամատյանում:
Վերադառնալով այստեղ՝ հիշողության և տապանաքարի վայր,
Բառերով նկարագրելիի առջև,
Որպեսզի բոլոր մահացածների անունները լսվեն,
Եվ որպեսզի պատմությունը չմոռացվի։
Ֆրանսիան միշտ հայ ժողովրդի հետ է
Եվ միշտ հարգում է ցեղասպանության հիշատակը
և անթիվ-անհամար կյանքերը», - գրել է նա։
Ֆրանսիայի նախագահը նաև իր ֆեյսբուքյան էջում է գրառում կատարել ՝
Վերադարձ հիշողության և պարտականության այս վայր՝ անջնջելիին հանդիման։ Որպեսզի յուրաքանչյուր անուն արձագանք գտնի և մոռացության չմատնվի։
Ֆրանսիան հավերժ կանգնած է հայ ժողովրդի կողքին լի հարգանքով առ ապրած ցեղասպանության հիշատակը և խլված բազմաթիվ կյանքերը:
Ամենաընթերցվածը
