Սա շատ հայտնի է, բայց ոչ բոլորը գիտեն, թե ինչ է անունը
Դիտումներ 4575 
Կոճապղպեղը ժողովրդական բժշկական այն հազվադեպ միջոցներից է, որը ընդունված է ավանդական բժշկության կողմից։ Գիտական հետազոտությունների շնորհիվ պարզվել է, որ դրա օգտակար հատկություններից շատերը իրական են։ Բժշկության մեջ սովորաբար օգտագործում են այդ բույսի փոշին, յուղը կամ թուրմը։
Օրինակ` կոճապղպեղի յուղը կիրառում եմ ինհալացիաների ժամանակ, օգտագործում են տաքացնող մերսումներ անելիս, այն նաև ուժեղ սթրեսի ժամանակ հանում է լարվածությունը։
Ամենաօգտակարը թարմ կոճապղպեղն է, օգտակարությամբ թարմին հաջորդում է դրա չոր համեմունքը։ Արմատապտուղը սառեցնելու և մարինացնելու դեպքում վիտամինները քայքայվում են, թեև ակտիվ նյութերը մասամբ պահպանվում են։
Օգտակար հատկություններ
Կոճապղպեղի արմատները մի շարք օգտակար հատկություններ ունեն։ Չափավոր օգտագործելու դեպքում դրանք արագացնում են նյութափոխանակությունը։ Հենց այդ պատճառով այն օգտագործվում են նիհարելու համար։
Այն հիանալի օգնում է մարսողության հետ կապված խնդիրների, նաև սննդային թունավորումների, սրտխառնոցի ու փսխումի ժամանակ։ Մագնիումի մեծ քանակի շնորհիվ թունավոր նյութերն ավելի արագ են հանվում օրգանիզմից, լավանում է նաև նյարդային համակարգի աշխատանքը։
Ասկորբինաթթվի, В, А խմբի վիտամինների, ցինկի, կալցիումի, յոդի ու բնական հակաբիոտիկների պարունակության շնորհիվ կոճապղպեղն ամրացնում է օրգանիզմն ու բարձրացնում է իմունիտետը։
Հետազոտությունների համաձայն՝ կոճապղպեղի կանոնավոր օգտագործումը կարգավորում է արյան մեջ խոլեստերինի ու շաքարի մակարդակը։
Բացի այդ, կոճապղպեղը լավացնում է շրջանառությունն անոթներում, նվազեցնում է տրոմբի գոյացման ռիսկը։ Այդ պատճառով այս համեմունքը հաճախ արյան բարձր խտություն ունեցող մարդկանց են խորհուրդ տալիս օգտագործել։
Փոքր կոնքի օրգաններում արյան շրջանառությունը ուժեղացնելու շնորհիվ կոճապղպեղը պայքարում է սեռական դիսֆունկցիաների դեմ։
Կոճապղպեղի վնասը
Կծու արմատապտուղը գրգռում է ստամոքսի ու աղիների լորձաթաղանթը, այդ պատճառով խոցի, գաստրիտի, թութքի կամ կոլիտի ժամանակ արգելվում է այդ մթերքն օգտագործել։ Բացի այդ, այն ուժեղացնում է սեկրեցիան, ինչը բացասաբար է ազդում լյարդի ու լեղապարկի վրա, եթե այդ օրգանները խնդիր ունեն։ Կոճապղպեղը հակացուցված է նաև ցիռոզ, հեպատիտներ ու քարեր ունեցողների համար։
Եթե մարդ հակված է արյունահոսության, բարձր ճնշման ու սրտի հետ խնդիրներ ունի, պետք է հրաժարվի այդ արմատապտղի կիրառումից, քանի որ այն ուժեղացնում է արյան հոսքը։
Չնայած կոճապղպեղը հակափսխային միջոց է ծովային հիվանդության, քիմիաթերապիայից հետո, նաև հղիության ժամանակ, բայց հենց հղիները պետք է զգույշ լինեն այդ բույսը կիրառելիս, քանի որ այն բարձրացնում է տոնուսը։ Կոճապղպեղը կարելի է օգտագործել միայն բժշկի հետ խորհրդակցելուց հետո։
Ընդհանուր առմամբ սննդաբանները խորհուրդ են տալիս չչարաշահել կոճապղպեղն ու այն փոքր քանակով կիրառել, քանի որ հնարավոր չէ հաստատ իմանալ՝ օրգանիզմն ինչպես կարձագանքի այդքան հագեցած մթերքին։
Ամենաընթերցվածը
