Ինչպես վերացնել բերանից եկող տհաճ հոտը․ Ամենալավ միջոցը
Դիտումներ 309 
Բերանից եկող հոտը զգալու համար բավական է ձեռքի ափով փակել քիթն ու բերանը, արտաշնչել և ներշնչել քթով:
Հոտի առաջացման պատճառները տարբեր են: Հաճախ այն առաջանում է փտած ատամներից, լնդերի, մարսողական օրգանների, թոքերի հիվանդությունից, նշիկների բորբոքումից, ատամները չլվանալուց: Նախ պետք է պարզել դրա առաջացման պատճառը, հետո մտածել այն վերացնելու մասին:
Ժողովրդական բժշկությունն առաջարկում է բերանը ողողելու տարբեր հեղուկ-միջոցներ:
Բերանի հոտը վերացնելու համար կարելի է բերանի խոռոչը ողողել զանազան եփուկներով, օրինակ՝ վարդի թերթիկների, քացախի և ջրի եփուկով, ինչպես նաև՝ դաղձի եփուկով:
- Բերանից հաճելի հոտ կգա, եթե մի քանի րոպե ծամեք հիրիկի արմատ:
- Դարչինը, մեխակը, նարնջի կեղևը նույնպես վերացնում են բերանի տհաճ հոտը:
- Անանուխի կանաչ տերևներից կարելի է հեղուկ պատրաստել բերանը ողողելու համար: Դրա համար հարկավոր է անանուխի 15-20 տերև գցել 0.5 լ սպիրտի մեջ, շիշը փակել և 6-7 օր պահել արևի տակ: Բերանը ողողելու համար բավական է մեկ բաժակ ջրի մեջ կաթեցնել մի քանի կաթիլ ստացված թուրմից:
- Շատ օգտակար է նաև անանուխ-դաղձի եփուկը: 1ճաշի գդալ դաղձը լցնել 0.5լ եռացրած ջրի մեջ, թողնել 1 ժամ և ստացված եփուկով ողողումներ անել:
- Վայրի մորենու տերևները լցնել եռացրած ջրի մեջ, քամել և ստացված եփուկով օրվա ընթացքում մի քանի անգամ բերանը ողողել:
- 60գ կաղնու մանրացրած արմատների վրա լցնել 0.5 լ ջուր, եռացնել, թողնել սառչի, քամել և ավելացնել նույնքան ջուր: Սառը եփուկով բերանը ողողել մի քանի անգամ:
Ամենաընթերցվածը
