Ինչպես սառեցնել կանաչեղենը․ Սառեցրեք այն հիմա և Ամանորին այն թանկ գնով չեք գնի

Ինչպես գիտենք, ցանկացած կանաչի կարելի է սառեցնել՝ բացառությամբ ռեհանի ու անանուխի, քանի որ սառեցնելուց հետո մգանում ու կորցնում են իրենց բույրը։
Սառեցնելուց առաջ թարմ կանաչին մաքրում ենք՝ հեռացնելով դեղնած, խամրած ու թառամած ճյուղերը։ Այնուհետև լվանում ու սրբիչի օգնությամբ չորացնում ենք։
Նպատակահարմար է կանաչին սառեցնել սառույցի համար նախատեսված տարաների մեջ, որի համար կանաչին մանր կտրատում ենք, տեղավորում ձևամանի մեջ, որից հետո վրան ջուր ենք լցնում։ Եթե կանաչին օգտագործելու եք ապուրների համար, ապա կարող եք ջրի փոխարեն լցնել արգանակ։
Սառած խորանարդիկները դուրս ենք բերում ձևամանից, և յուրաքանչյուրը փաթաթում ենք փայլաթիթեղի մեջ կամ պահում ենք ամուր փակվող սննդային տոպրակներում։
Կարելի է նաև կանաչին տեսակավորեկ, քանի որ սառելուց հետո դրանք ունենում են միևնույն տեսքը։
Եթե ցանկանում եք կանաչին ամբողջական սառեցնել, ապա կարող եք օգտագործել սառեցման համար նախատեսված տոպրակներ։
Մեծ քանակությամբ կտրատած կանաչին կարելի է պահպանել պլաստմասսայե կոնտեյներներում։
Սառեցրած կանաչին կարելի է պահպանել մոտ մեկ տարի, սակայն ժամանակի ընթացքում համն ու բույրը կկորցնեն իրենց ուժը։