Հրատապ․ Երկարաշարժ է եղել Հայաստանում
Դիտումներ 1633 
Երկրաշարժ Բավրա գյուղից 17 կմ հյուսիս-արևելք
Սույն թվականի ապրիլի 9-ին` տեղական ժամանակով ժամը 22:44-ին (Գրինվիչի ժամանակով` ժամը 18։44-ին) ՀՀ ՆԳՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 41.17⁰ և արևելյան երկայնության 44․00⁰
աշխարհագրական կոորդինատներով Հայաստան-Վրաստան սահմանային գոտի՝ Բավրա գյուղից 17 կմ հյուսիս-արևելք, օջախի 10 կմ խորությամբ 3.3 մագնիտուդով երկրաշարժ։
Էպիկենտրոնային գոտում ստորգետնյա ցնցման ուժգնությունը կազմել է 4-5 բալ:
Երկրաշարժը զգացվել է Շիրակի մարզի Բավրա, Սարագյուղ, Ղազանչի, Աշոցք գյուղերում, ինչպես նաև Լոռու մառզի՝ Պաղաղբյուր և Նորամուտ գյուղերում 3 բալ ուժգնությամբ:
Երկրաշարժը երկրի ընդերքում տեղի ունեցող հանկարծակի շարժում է, որը առաջանում է երկրակեղևի սալերի բախման կամ տեղաշարժի հետևանքով։ Այդ շարժումը ստեղծում է սեյսմիկ ալիքներ, որոնք զգացվում են որպես ցնցումներ երկրի մակերևույթին։
Ինչպես պաշտպանվել երկրաշարժից
🏠 Տանը գտնվելիս
- Մնա՛ ներսում, մի՛ փորձիր անմիջապես դուրս վազել։
- Թաքնվի՛ր ամուր սեղանի կամ մահճակալի տակ։
- Հեռու մնա՛ պատուհաններից, հայելիներից և կախված ծանր առարկաներից։
- Եթե հնարավոր է, պաշտպանիր գլուխդ ձեռքերով կամ բարձով։
🏢 Բազմահարկ շենքում
- Մի՛ օգտվիր վերելակից։
- Մնա՛ տեղում և սպասիր ցնցումների ավարտին։
- Թաքնվի՛ր ներքին պատերի մոտ կամ սեղանի տակ։
🚶 Դրսում գտնվելիս
- Հեռու մնա՛ շենքերից, ծառերից, էլեկտրական սյուներից։
- Գնա՛ բաց տարածք, որտեղ վտանգավոր առարկաներ չկան։
🚗 Մեքենայի մեջ
- Կանգնեցրու մեքենան անվտանգ վայրում։
- Մնա՛ մեքենայի մեջ մինչև ցնցումների ավարտը։
- Խուսափիր կամուրջներից և թունելներից։
📦 Նախապես պատրաստվելու համար
- Ունեցիր արտակարգ իրավիճակի պայուսակ (ջուր, սնունդ, դեղորայք, լապտեր)։
- Սովորեցրու ընտանիքիդ անդամներին անվտանգության կանոնները։
- Ամրացրու ծանր կահույքը պատերին։
Ամենաընթերցվածը
