Գիլասի չիր պատրաստելու եղանակը ՝ իր բոլոր գաղտնիքներով և նրբություններով․ Այսպիսի տեսքով ու համեղ չրեր են ստացվում

Պատրաստման եղանակը

Կեռասը լվանալ, կորիզները հանել: 

Վրան լցնել կիտրոնի հյութը , շաքարավազը, դարչինը: 

Եփել, մինչև միրգը փափկի: 

Հյութը քամել, դնել քամիչի վրա: Շարել յուղաթղթի վրա: 

Դնել ջեռոցի մեջ մի քանի ժամ կամ չորացնել ավանդական եղանակով: 

Ավելի լավ է պահել սառնարանում, այդպես այն չի փառակալում:

Կեռասն ունի միզամուղ հատկություն, որի շնորհիվ թեթեւացնում է վիճակն այտուցների ժամանակ։ Կեռասի պտուղները եւ հյութը կանոնավորում են երիկամների եւ լյարդի աշխատանքը, օգտակար են արթրիտի, հոդատապի, ռեւմատիզմի դեպքում։ Կեռասի մուգ կարմիր պտուղները հատկապես նպաստում են արյունատար անոթների պատերի ամրացմանը, որի շնորհիվ օգտակար են հիպերտոնիայով եւ աթերոսկլերոզով հիվանդներին։

Ամերիկացի հոգեբանների ուսումնասիրությունները վկայում են այն մասին, որ կեռասի պտուղների սիրահարները ունեն հանգիստ եւ բարի բնավորություն, նրանք անկեղծ են իրենց զգացմունքների մեջ եւ ընդունակ զոհաբերությունների, հոգու խորքում միշտ երեխա են մնում, փոքրիկ անակնկալների սիրահարներ են։ Գիտնականները հաստատել են նաեւ, որ եթե մարդ ամեն օր` առավոտյան եւ երեկոյան, ուտի մի քանի հատիկ կեռաս (թարմ կամ պահածո), ապա զգալիորեն կնվազի սրտի հիվանդությունների վտանգը։ Վիտամին A-ի բարձր պարունակության շնորհիվ կեռասի պտուղներն օգտակար են մաշկին, դրանց օգտագործումը պահպանում է մաշկը արեւի ճառագայթների վնասակար ազդեցությունից։ Վիտամին A-ի պարունակությունը բաց գույնի պտուղներում ավելի մեծ է։ Կեռասի բերքահավաքը կատարվում է պտղակոթով, որպեսզի հնարավոր լինի որոշ ժամանակ պահպանել, ինչպես նաեւ` բնական հյութի կորուստ չառաջանա։