• Գլխավոր
  • Հետաքրքիր է
  • Գաղտնիք, որի շնորհիվ խոզի բուդն ու հնդկահավը կստացվեն շատ ախորժելի, հյութալի և փափուկ

Գաղտնիք, որի շնորհիվ խոզի բուդն ու հնդկահավը կստացվեն շատ ախորժելի, հյութալի և փափուկ

Դիտումներ 465

Գաղտնիք, որի շնորհիվ խոզի բուդն ու հնդկահավը կստացվեն շատ ախորժելի, հյութալի և փափուկ

Խոզի բուդ

Բաղադրամասեր

  • 5 կգ խոզի բդին ՝

  • սխտոր 15 պճեղ ,

  • գազար 1 հատ,

  • մանանեխ 2 ճաշի գդալ,

  • պղպեղի հատիկներ 20 հատ,

  • քրքում 1 թեյի գդալ,

  • դափնու տերև ,

  • սև պղպեղ, աղ

Պատրաստման եղանակը

  • Խոզի բուդը պատառաքաղով ծակծկել, տեղ-տեղ դանակով անցք անել և մեջը խրել սխտորը, գազարը (շրջանաձև կտրատած) և հատիկ պղպեղը. 4-5 ժամ թողնել աղաջրում։

  • Այնուհետև դուրս բերել։ Համեմել մանանեխով, աղով ու համեմունքներով, տեղափոխել կաղապարի մեջ, կողքերը դափնու տերևներ շարել, ապա ծածկել փայլաթիթեղով։

  • Կաղապարի մեջ ջուր լցնել և 220° С ջեռոցում եփել 4 ժամ։ Վերջում հեռացնել փայլաթիթեղը և թողնել՝ կարմրի։



Հնդկհավ

Բաղադրամասեր

  • 3,5 կգ հնդկահավին ՝

  • նրբերշիկ - 8 հատ(կարելի է նաև սարդելկա`բնական թաղանթի մեջ),

  • կիտրոն - 0,5 հատ,

  • խոզապուխտ - 500 գր(յուղոտ),

  • աջիկա - 2ճ/գդ,

  • սոյայի սոուս - 200 գր,

  • կարագ - 100 գր(հալեցրած),

  • աղ - ըստ ճաշակի,

  • կարմիր պղպեղ - ըստ ճաշակի

 

Պատրաստման եղանակը

  • Վերցնում ենք լավ սառեցված հնդկահավը։ Զով տեղում ենք դնում, որ աստիճանաբար փափկի (դրանից է կախված մսի համն ու որակը)։ Խառնում ենք 100 գր սոյայի սոուսը 50 գր կարագի հետ, մի քիչ սառեցնում ենք, լցնում բժշկական ներարկիչի մեջ։ Հնդկահավը մի քանի տեղից ներարկում ենք (ինչքան շատ լցնենք, այնքան ավելի հյութեղ կստացվի )։ Հնդկահավը 3-4 ժամ հանգիստ ենք թողնում։

  • Աջիկան խառնում ենք աղի ու պղպեղի հետ և սկսում համեմել հնդկահավը`ներսից և դրսից։

  • Վերցնում ենք բնական թաղանփով փաթաթված նրբերշիկը։ Խոզապուխտը շերտերով կտրում ենք։ Խոզապուխտն ու նրբերշիկը լցոնում ենք հնդկահավի մեջ, իսկ անցքը փակում ենք կես կիտրոնով։ Տոտիկները կապում ենք, որպեսզի հետանցքը կարելիս չխանգարեն։

  • Փայլաթիթեղը դնում ենք տապակի մեջ, վրան լցնում մնացած խոզապուխտը, որպեսզի հնդկահավը յուղի մեջ լինի և փայլաթիթեղին չկպնի։

  • Թեթևակի ծածկում ենք փայլաթիթեղով և 1,5 ժամով տեղափոխում 250 աստիճան տաքացրած ջեռոցի մեջ։

  • Ապա հանում ենք հնդկահավը ջեռոցից, բացում փայլաթիթեղը ու վրան լցնում մնացած իրար խառնած սոյայի սոուսն ու հալեցրած կարագը: Այնուհետև կրկին փակում ենք հնդկահավը փայլաթիթեղով ու դնում ջեռոցի մեջ ևս 1 ժամով։ Ապա հանում ենք փայլաթիթեղը և կարմրացնում ենք հնդկահավը ջեռոցում՝ մինչև ոսկեգույն խրթխրթան կեղև ստանանք։ Մատուցում ենք մեծ ափսեյի մեջ։



Ամենաընթերցվածը