Գառնի յարախ․ Սմբուկով հայկական ուտեստի ճիշտ պատրաստման եղանակը

4-5 հատ սմբուկ,

0,5 կգ աղացած տավարի միս,

3-4 հատ լոլիկ,

աղ,

պղպեղ (ըստ ճաշակի),

մաղադանոս,

1 հատ գլուխ սոխ,

բուսայուղ,

կարագ

Պատրաստման եղանակը

Սոխը լավ մանրացրեք և սոխառած արեք ՝ վրան ավելացնելով աղ։ Հենց սոխի գույնը դառնա ոսկեգույն, ավելացրեք աղացած միսը, համեմեք պղպեղով և մարմանդ կրակի վրա տապակեք։

Վերջում վրան ավելացրեք մանր կտրատած մաղադանոսը։ Սա գառնի յարախի միջուկն է։

Սմբուկը երկարությամբ կտրել, բայց ոչ մինչև վերջ: Միջուկը հանել, իսկ սմբուկը դնել աղաջրի մեջ 30 րոպե , որպեսզի դառնությունը կորի: Երկու կողմից տապակել բուսայուղով և թողնել սառչի:

Սմբուկի մեջ լցնել միսը, իսկ վրան դնել լոլիկի մանրացված կտորները: Եփել 160° ջեռոցում 40 րոպե:

Կարելի է մատուցել և՛ տաք, և՛ սառը վիճակում: