Բժիշկները անքնությամբ տառապող մարդկանց խորհուրդ են տալիս այս միրգը ուտել

Մասնագետներն ասում են, որ բանանը հիանալի նախուտեստ է քնելուց առաջ այն մարդկանց համար, ովքեր քնելու և անքնության հետ կապված խնդիրներ ունեն:

Sleep Charity (Մեծ Բրիտանիա) կազմակերպության բժիշկները նշում են. գիշերային քնի որակը կարող է կախված լինել նրանից, թե մարդն ինչ է ուտում քնելուց առաջ։

«Երեկոյան ճիշտ սնվելը միանշանակ լավ գիշերային հանգստի բանալին է: Որոշ մթերքներ հանգստացնում են ուղեղը և օգնում արագ քնել»,- փորձագետների խոսքերն է մեջբերում Express Health-ը։

Մասնագետները անքնությամբ տառապող մարդկանց խորհուրդ են տվել բանան ուտել: Նրանց խոսքով՝ քնելուց քիչ առաջ կերած բանանը խթանում է առանցքային հորմոնների արտադրությունը, որոնք հանգստացնում են ուղեղը և ստեղծում այն ​​հանգստությունը, որն անհրաժեշտ է օրգանիզմին այդ պահին։ Մասնավորապես, մրգի մեջ պարունակվող տրիպֆտոֆանը պատասխանատու է ուղեղը հանգստացնող հորմոնների «միացման» համար։