Ծիրանի մուրաբա պատրաստեք այս տարբերակով և այնքան համեղ կստացվի, որ կվայելեք ամբողջ ձմեռ

Պատրաստման եղանակը

Ծիրանները լվացեք, կիսեք և հեռացրեք կորիզները։

Շերտերով դասավորեք ծիրաններն ու շաքարավազը խորը կաթսայի մեջ։ Ծածկեք և թողեք 8-10 ժամ կամ ամբողջ գիշեր։ Այդ ընթացքում ծիրանը հյութ կարձակի, և շաքարավազի մեծ մասը կհալվի։

Եթե հյութը քիչ է, ավելացրեք մոտ 100 մլ ջուր։

Կաթսան դրեք թույլ կրակի վրա և տաքացրեք այնքան, մինչև շաքարավազն ամբողջությամբ լուծվի։ Այնուհետև կրակը մի փոքր ուժեղացրեք և եփեք 8-10 րոպե՝ հեռացնելով առաջացած փրփուրը։

Անջատեք կրակը և թողեք մուրաբան ամբողջությամբ սառչի՝ մոտ 5-6 ժամ։

Կրկին եփեք 10 րոպե և նորից թողեք, որ սառչի։

Երրորդ անգամ եփեք ևս 10-15 րոպե։ Եփման ավարտից մի քանի րոպե առաջ ավելացրեք կիտրոնի հյութը, իսկ ցանկության դեպքում նաև վանիլային շաքարը։

Պատրաստի մուրաբան լցրեք նախապես ստերիլացված բանկաների մեջ, փակեք կափարիչներով և շրջեք գլխիվայր մինչև ամբողջությամբ սառչի։

Օգտակար խորհուրդներ

Եթե ցանկանում եք, որ ծիրանի կեսերը մնան գեղեցիկ և չքայքայվեն, մուրաբան գդալով հաճախ մի խառնեք։ Ավելի լավ է ժամանակ առ ժամանակ թեթևակի շարժեք կաթսան։

Եթե օգտագործում եք շատ հասած ծիրան, եփման ժամանակը մի փոքր կրճատեք, որպեսզի պտուղները չափազանց չփափկեն։

Կիտրոնի հյութը ոչ միայն բարելավում է համը, այլև օգնում է, որ մուրաբան երկար պահպանվի և օշարակը չշաքարանա։

Այս եղանակով պատրաստված ծիրանի մուրաբան ստացվում է թափանցիկ օշարակով, ամբողջական պտուղներով և հարուստ բույրով։ Այն հիանալի է թեյի, նրբաբլիթների, պաղպաղակի կամ պարզապես թարմ հացի հետ։