Ամառային խառը տոլմա․ Ձեզ ենք ներկայացնում իսկական հայկական տոլմայհի ճիշտ պատրաստման եղանակը ՝ ամառային տարբերակով

800 գրամ տավարի միս,

250-300 գրամ խոզի յուղոտ միս կամ ճարպ (եթե տավարի միսը յուղոտ է խոզի միսը կամ յուղը քիչ կարող եք օգտագործել),

200 գրամ գլուխ սոխ,

2-3 հատ սմբուկ,

2-3 հատ լոլիկ,

կաղամբ,

պղպեղ - 2-3 հատ,

համեմ – 1 փունջ,

սամիթ,մաղադանոս, ռեհան – 1-ական ճյուղ,

կլոր բրինձ – 50 գրամ,

աղ, սև աղացած պղպեղ,

տոմատի մածուկ – 4-5 ճ. գդ

Պատրաստման եղանակը

Միսը աղալ: Կանաչին, սոխը մաքրել, լվանալ, աղալ ևխառնել մսին, աղ, պղպեղ ցանել:

Բրինձը լվանալ, խառնել մսին: Եթե միսը բավականաչափ յուղոտ չէ, մի քիչ յուղ կամ կարագ ավելացնել:

Սմբուկը լվանալ, կոթը հեռացնել, միջուկը զգուշորեն հանել, փորել: Պղպեղի վերին մասը կափարիչի պես կտրել, սերմերը հանել: Լոլիկը նույնպես փորել:

Կաղամբի թերթերը աղաջրում կիսաեփ անել: Մսով լցոնել փորած լոլիկները, պղպեղները, սմբուկները: Մնացած միսը փաթաթել կաղամբի թերթերով:

Կաթսայի մեջ իրար շատ մոտ շարել լցոնած բանջարեղենն այնպես, որ դատակ տարածություն գրեթե չմնա: Վրան լցնել ջրով բացած տոմատի մածուկը, ափսեով ծածկել, եփել մարմանդ կրակի վրա: