«Համբալին»՝ «համբալով», «կզացածին»՝ «կզզցնելով». Քոչարյան-Փաշինյան ժարգոնային հեռակա բանավեճը շարունակվում է (տեսանյութ)

Այսօրվա նախընտրական քարոզարշավը Հայաստանում շարունակվել է բավական լարված քաղաքական մթնոլորտում։ Փաշինյանի ղեկավարած «Քաղաքացիական պայմանագիր» կուսակցությունը քարոզարշավն անցկացրել է Երևանի Աջափնյակ վարչական շրջանում, որտեղ վարչապետը հանդիպումներ է ունեցել քաղաքացիների հետ և ներկայացրել իշխանության հիմնական ուղերձները։

Միաժամանակ, Քոչարյանի գլխավորած «Հայաստան» դաշինքը շարունակել է ընդդիմադիր ակտիվ քարոզարշավը՝ շեշտադրելով իշխանությունների հասցեին քննադատությունները և փորձելով ուժեղացնել փողոցային ու հանրային շփումները։

Քարոզարշավի ընթացքում նկատվում է ոչ միայն ծրագրային պայքար, այլ նաև փոխադարձ հեռակա վիրավորանքների ու կոշտ քաղաքական հայտարարությունների աճ։ Կողմերը հաճախ դիմում են սուր բառապաշարի, իսկ համացանցում ու քաղաքական շրջանակներում շրջանառվում են վիրավորական արտահայտություններ և անձնական բնույթի մեղադրանքներ, ինչը ավելի է սրում ներքաղաքական լարվածությունը։