Կանաչ լոբու պատրաստման յուրահատուկ տարբերակ․ Իսկապես կհավանեք

0.5 կգ կանաչ լոբուն՝

2 հատ բուլղարական պղպեղ,

2 հատ գազար,

մի քանի ճյուղ նեխուր,

1 պճեղ սխտոր,

1 հատ սոխ,

2 հատ լոլիկ,

արևածաղկի ձեթ,

աղը, պղպեղը, մաղադանոսը՝ ըստ ճաշակի

Պատրաստման եղանակը

Կանաչ լոբին ընտրել, լվանալ, թելերը մաքրել, ծղոտաձև կտրատել, աղ գցած ջրում եփել և մաղով քամել: Պատրաստել սոխառած։ Գազարը, բուլղարական պղպեղը, նեխուրը, սխտորը կտրտել ծղոտաձև, դնել սոխառածով կաթսան, վրան ջուր լցնել այնքան, որ մթերքները միայն ծածկվեն և եփել:

Դրանից հետո բանջարեղենի վրա ավելացնել կանաչ լոբին, կտրտած լոլիկը, լցնել արևածաղկի ձեթ, և մարմանդ կրակով եփել մինչև պատրաստ լինելը։ Կանաչ լոբին բանջարեղենի հետ մատուցել վրան մաղադանոս ցանած:

Կանաչ լոբին պարունակում է բետաին, որը նպաստում է քոլինի գոյացմանն օրգանիզմում։ Քոլինը մեծ քանակությամբ պարունակվում է մայրական կաթի մեջ, այն նպաստում է մանկիկի մտավոր զարգացմանը։ Կարևոր է իմանալ, որ կանաչ լոբին չի կարելի ուտել հում վիճակում։ Հարուստ է վիտամիններով` բետա-կարոտին-400 մկգ (100 գ հումքի մեջ)։

E-100 մկգ, ֆոլիացին-36 մկգ, նիկոտինաթթու-500 մկգ։ Հասունացած սերմերը պարունակում են մոտ 25 տոկոս սպիտակուցներ և 20 տոկոս բույսին բնորոշ լուծվող բյուրեղային սպիտակուց (ֆասեոլին), 50 տոկոս ածխաջրեր, 2 տոկոս ճարպ, այդ թվում` օրգանիզմին պիտանի խոլեստերին, բջջանյութ, լեցիտին, վիտամիններ, օրգանական թթուներ։