Ըմպելիքը, որը իջեցնում է ճնշումը, կարգավորում նյութափոխանակությունը և այլն

Ինչ է կարելի և ինչ է արգելվում անել արևային այրվածքների դեպքում. Մի վնասեք ձեր առողջությունը

Մոտեցել են երկար սպասված ամառային արձակուրդները, և հանգստի մեկնելիս խիստ կարևոր է իմանալ արևային այրվածքներից արդյունավետ պաշտպանվելու և այրվածքների դեպքում առաջին բուժօգնության կանոնները:

Արևային այրվածքը, մաշկի վնասումն է՝ պայմանավորված ուլտրամանուշակագույն ճառագայթների գերդոզավորմամբ:

Ինչպե՞ս զերծ մնալ արևային այրվածքներից

1. Խուսափել արևի ուղիղ ճառագայթներից ժամը 10-16-ն ընկած ժամանակահատվածում: Այս շրջանում արևի ճառագայթները հատկապես վտանգավոր են:

2. Շոգին կրել լայնեզր գլխարկ և չմոռանալ արևապաշտպան ակնոցների մասին:

3. Հետազոտությունները պարզել են, որ շոգ oրերին նախապատվությունը պետք է տալ մուգ կապույտ հագուստին, քանզի հենց այս գույնն է առավելագույն պաշտպանում մաշկը արևի ճառագայթների վնասակար ազդեցությունից:

4. Այրվածքների ևմաշկի քաղցկեղիկանխարգելմանը նպաստում են SPF և PPD նշումներով արևապաշտպան քսուքները` պաշտպանության գործոնի 30 կամ 50 միավորով:

Ի՞նչ անել արևային այրվածքների դեպքում

• Խուսափե՛ք այրվածքի մակերեսին սառույցի անմիջական կիրառումից:
• Այրվածքին բուսայուղ և թթվասեր մի՛ քսեք:
• Այրվածքի մակերեսին խոնավ գործվածք դրեք:
• Օգտագործեք ոչ ստերոիդային հակաբորբոքային միջոց. այն կթեթևացնի ցավը և կնվազեցնի կարմրության աստիճանը:

​Կայքում տեղ գտած նյութերը կրում են միմիայն տեղեկատվական բնույթ։ Ցանկացած ինքնաբուժումից և բնական միջոցներ կիրառելուց առաջ, պարտադիր հարցրեք բժշկի կարծիքը։