Խմորիչը ավելացնել տաք ջրի մեջ և թողնել 5 րոպե։

Ձուն հարել աղով և շաքարով։ Խմորիչը լցնել ձվի խառնուրդի մեջ և խառնել։

Ավելացնում ենք մաղած ալյուրը՝ մաս-մաս և խմորը հունցում նախ հարիչով, իսկ հետո ձեռքերով։

Խմորից գնդիկ ենք կազմում և դնում բուսայուղով յուղած ամանի մեջ։ Խմորը քսում ենք նաև յուղի բարակ շերտով: Ծածկեք կափարիչով և դրեք տաք տեղում 1 ժամ։

Դդումը մանր խորանարդիկների ենք կտրում ու դնում կարագով տաք տապակի մեջ։

Ավելացնել շաքարավազ և մեկ նարնջի կեղև։ Խառնել և եփել միջին ջերմության վրա, մինչև ամբողջ հեղուկը գոլորշիանա: Հովացնում ենք միջուկը։

Բարձրացած խմորը կտրատել և բաժանել 10 հավասար մասերի։ Յուրաքանչյուր կտոր կլորացնում ենք, ծածկում տոպրակով և թողնում ենք 15 րոպե։

Կարկանդակներ ենք ձևավորում և դնում թղթով պատված թխման ամանի վրա, ծածկում սրբիչով և 15 րոպե թողնում։

Կարկանդակները բոլոր կողմերից քսում ենք ձվի դեղնուցով և կաթով։ Թխել 190 C ջերմաստիճանում 15 րոպե։