Սև բրնձի մասին

Չինաստանում իմպերատորի ղեկավարման տարիներին սև բրինձը արգելված ուտեստ էր համարվում, քանի որ այն աճեցնում էին միայն ղեկավարի համար:

Հիմա այն կարելի է գնել գրեթե բոլոր խանութներում:

Մեկ բաժին սև բրինձը 160կ/կալ է պարունակում: Այն հարուստ է երկաթով, բուսական սպիտակուցներով, ֆլավոնոիդ նյութերով ու ավելի շատ հակաօքսիդանտներ, պրոտեին ու սննդային մանրաթելեր է պարունակում, քան բրնձի մյուս տեսակները:

Սև բրնձի օգտակարությունը

• Սև բրնձի մեջ մեծ թվով սննդային թելիկներ կան, որոնք օժտված են հակաբորբոքային հատկություններով: Դրանք խոչընդոտում են նաև շաքարային դիաբետի, ուռուցքային ու սրտի հիվանդությունների առաջացումն ու ճարպակալումը:
• Սև բրինձն օգտագործում են հետծննդաբերական շրջանում, երբ օրգանիզմը վիտամինների կարիք ունի:
• Հիվանդություններից հետո վերականգնողական փուլում ևս բժիշկները խորհուրդ են տալիս այն ներառել սննդակարգում:
• Եղունգների ու մազերի հետ կապված խնդիրների դեպքում էլ սև բրինձն օգտակար կլինի, քանի որ պարունակում է վիտամիններ, որոնք ամրապնդում են եղունգներն ու մազարմատները:
• Սև բրինձը հարուստ է վիտամին E-ով, որն էլ օգտակար է աչքերի, մաշկի ու իմունային համակարգի համար:
• Այն նաև հակաօքսիդանտների մեծ քանակությամբ առաջնային մթերքների ցանկում է: Իսկ հակաօքսիդանտներն էլ խոչընդոտում են սրտի ու անոթների, ուռուցքային հիվանդությունների առաջացումը, բարելավում են ուղեղի ֆունկցիաներըն ու վերացնում բորբոքային պրոցեսները:
• Սև բրինձը նվազեցնում է աթերոսկլերոզի, ինսուլտի ու ինֆարկտի առաջացման ռիսկը: Ֆիտոքիմիական բաղադրիչների շնորհիվ այն հավասարակշռության մեջ է պահում նաև օրգանիզմում խոլեստերինի քանակը:
• Սև բրնձի օգտագործումը նպաստում է օրգանիզմը թույներից մաքրելուն, լյարդից հեռացնում է վնասակար տոքսինները:
• Սև, կարմիր ու շագանակագույն բրինձը մեծ քանակությամբ բջջանյութ է պարունակում, որն էլ օգնում է փորկապության, փքվածության ու ստամոքս-աղիքային համակարգի այլ խնդիրների դեպքում: Այն նաև օգնում է երկար ժամանակ կուշտ մնալ ու նպաստում է ճարպերի այրմանը:
• Սև բրնձի օգտագործումը դրանում առկա ածխաջրերի դանդաղ յուրացման շնորհիվ նաև խոչընդոտում է դիաբետի ու ճարպակալման առաջացումը: