Որենք են ոտքերի տհաճ հոտի առաջացման պատճառներն ու այդ խնդրից ազատվելու լավագույն միջոցները: Գրում է med.tert.am-ը

Այս դեպքում նվազում է ոչ միայն հիվանդանալու, այլև տհաճ հոտի առաջացման հավանականությունը:

Ներդիրները ցանկալի է փոխել 3 ամիսը մեկ: Նույնիսկ որակյալ կոշիկների դեպքում հարկավոր է փոխել ներդիրները, քանի որ մանրէները միևնույն է «բնակություն» են հաստատում դրանց վրա: Ամենից հաճախ հարկավոր է փոխել «փափուկ» ներդիրները: Ընդ որում՝ որքան թավ ու երկար է ներդիրների խավը, այնքան մեծ է տհաճ հոտի առաջացման հավանականությունը:

Չի կարելի մոռանալ նաև կոշիկների օդափոխման մասին՝ նույնիսկ, եթե դրսում չոր եղանակ է: Մաքուր օդը շատ ավելի արդյունավետ է, քան տարատեսակ նորարարական մեթոդները:

Եթե խնդիրն այնուամենայնիվ անհանգստացնում է, ապա կարելի է կոշիկի մեջ որևէ կլանող նյութ լցնել: Օրինակ՝ մանրացրած ածուխ (ակտիվացրած կամ հասարակ), աղ, ալյուր և այլն: Այս նյութերը հարկավոր է թողնել մի քանի ժամ, այնուհետև մաքրել փոշեկուլի կամ անձեռոցիկի օգնությամբ: Կարելի է նաև օգտագործել կերակրի սոդա, սակայն այն կարող է սպիտակ հետքեր թողնել, ուստի պետք չէ կիրառել սև կոշիկի դեպքում:

Բավականաչափ ժամանակի առկայության դեպքում կարելի է նաև քացախ օգտագործել: Հարկավոր է քացախով թրջած տամպոնով մաքրել կոշիկի ներսի հատվածը և թողնել, որ այն լավ չորանա ու օդափոխվի: Չափազանց սուր հոտի դեպքում կարելի է մաքրել կոշիկը սպիրտով:

Բացի այդ, հարկավոր է հիշել նաև հիգիենայի մասին, քանի որ դա նույնպես շատ կարևոր է: Անհրաժեշտ է հնարավորինս հաճախ լվանալ ոտքերը, փոխել գուլպաներն ու օգտագործել հոտազերծիչ միջոցներ:

Աղբյուրը ՝ http://med.tert.am/am/news/2018/03/29/thach-hot/50672