Մեջքի ցավը չի թողնում քնել, նստել և նորմալ քայլել։ Այս միջոցը օգնում է մոռանալ ցավի մասին։

Ձեր գոտկատեղը ցավո՞ւմ է:

Իմացեք, որ այդ վիճակում շատերն են:

Տհաճ զգացողությունների պատճառը, սակայն, կարող է տարբեր լինել:

Թիկունքում ի հայտ եկած ցավի պատճառների մեջ հաճախ հանդիպողն օստեոխոնդրոզն է:

Օստեոխոնդրոզը ողնաշարի ոսկորների և միջողնային աճառային սկավառակների առաձգականության և դիմացկունության կորստի հետևանքով առաջացած վիճակն է:

Փոփոխված սկավառակներով ողների միացման հատվածներում աղեր են կուտակվում և առաջացնում են ոսկրային գերաճումներ` օստեոֆիտներ:

Այդ ելուստները ֆիզիկական բեռնվածության ժամանակ սկավառակների հետ միասին տեղափոխվում են միջողնային անցքերի լուսանցքի մեջ, ճնշում են այդտեղով անցնող նյարդարմատները և ցավ են առաջացնում:

Հաջախ օստեոխոնդրոզի ժամանակ նման տեղափոխություն լինում է մարմնի, գլխի կտրուկ շարժումների, մեջքի մկանների կծկանքի (վնասվածքի) հետևանքով, մարմնի սառեցման (օրինակ` սառը ջրում երկարատև մնալիս, խոնավ գետնին նստելիս), թունավորումների և այլ դեպքերում: 

Ահա այն գործոնները, որոնք ապահովում են պարանոցի և ողնաշարի առողջությունը.

• Ճիշտ կեցվածք
• Մարմնի ճիշտ շարժումներ և դիրքեր
• Կանոնավոր ֆիզիկական վարժություններ

Կեցվածք

Մեջքի և պարանոցի առողջ վիճակը կախված է կեցվածքից: Ոչ ճիշտ կեցվածքը կարող է պատճառ դառնալ մեջքի շրջանում ցավերի, քրոնիկական գլխացավերի և ուսերի շրջանում ցավերի համար: Շատ մարդիկ ժամանակի մեծ մասն անցկացնում են նստած կամ ապրանքների տեղափոխմամբ: Կենսակերպն էլ նպաստում է ոչ ճիշտ կեցվածքի առաջացմանը:

Ճիշտ կեցվածք՝ կանգնած դիրքում

Եթե ստիպված եք երկար ժամանակ կանգնել, ապա լավ կլինի ուշադրություն դարձնել հետևյալ կանոններին.

1. Ոտքերը ուսերի լայնության համապատասխան դրեք գետնին, մի՛ ձգեք ոտքերի մկանները և մի՛ լարեք ծնկները:

2. Հետևեք, որպեսզի պահպանվի մեջքի բնական կորագիծը: Սակայն խուսափեք «կամարի» դիրքից և  մեջքը շատ ետ մի տարեք:

3. Ուսերն ուղիղ պահեք՝ բարձրացնելով կրծքավանդակը: Դա կօգնի պահպանել ճիշտ հեռավորությունը կոնքոսկրերի և կրծքավանդակի միջև:

4. Կառավարեք կզակի դիրքը: Կզակը պետք է մարմնի հետ ուղիղ անկյուն կազմի, սակայն, դրա հետ մեկտեղ՝ պարանոցի մկանները չպետք է լարված լինեն: