Կանայք պետք է ամեն օր կես հատ կիվի ուտեն․ Իմացեք թե ինչու

Արտաքուստ համեստ այս պտուղը հարուստ է E, B2, B3, B6 վիտամիններով, բետա-կարոտինով, ֆոլաթթվով, հանքային տարրերով (կալիում, ֆոսֆոր, մագնեզիում) և ֆլավոնոիդներով։

Կիվին պարունակում է էնզիմներ, մրգաթթու և պեկտիններ։ Իսկ ինչու՞ պետք է կիվի ուտեն ամեն օր ՝ հատկապես կանայք։ Կիվիի պտուղների ուսումնասիրությունը ցույց է տվել, որ դրանք կանխարգելում են օրգանիզմում նիտրոզամինների ձևավորումը, ունեն հակաուռուցքային, հակամուտագենային, հակաօքսիդանտային ազդեցություն, լավացնում են ֆիզիկական աշխատունակությունը։ 

Այս ամենը շատ կարևոր է կանանց համար։ Բացի այդ, կիվին օգտակար է հղիներին։ Հղիության ընթացքում կանանց խորհուրդ է տրվում ֆոլաթթու օգտագործել։ Այս կարևոր էլեմենտն էմբրիոնին թույլ է տալիս լիարժեք զարգանալ։ 

Մրգերի օգտագործման արդյունքում զգացմունքները փոխվում են։ Մենք մեզ ավելի առողջ, էներգիայով լի ենք զգում, տրամադրությունը բարձրանում է։ Կիվին բացառություն չէ. դա կապված է այն հանգամանքի հետ, որ կիվին ակտիվացնում է որոշակի հորմոններ, որոնք ուղեղին ազդանշան են ուղարկում։