Ի՞նչ հիվանդություն է սա և ովքե՞ր պետք է զգուշանան այս ծանր հիվանդությունից

Ռեյնոյի համախտանիշ, հայտնի է նաև Ռեյնոյի ֆենոմեն անունով, բժշկական վիճակ, որի ժամանակ լինում են զարկերակների կծկանքով պայմանավորված արյան հոսքի նվազման գրոհներ։ Ներառում է հիմնականում ձեռքերի և ավելի քիչ ոտքերի մատները։ Հազվադեպ ախտահարվում են նաև քիթը, ականջները կամ շրթունքներ։ Ախտահարված հատվածը ստանում է սպիտակ, այնուհետև կապույտ գունավորում։ Հաճախ առաջանում է թմրածություն և ցավ։ Երբ արյան հոսքը վերականգնվում է, տեղամասը ստանում է կարմիր գունավորում և վերադառնում է տեղային ջերմությունը։ Նոպաները (դրվագները, էպիզոդները) հիմնականում տևում են րոպեներ, բայց հնարավոր է դրսևորվեն մի քանի ժամ։

Արյան հոսքի դադարի դրվագները հիմնականում սադրվում են ցրտից կամ էմոցիոնալ սթրեսից։ Ռեյնոյի համախտանիշը դասակարգվում է առաջնային, երբ պատճառը հայտնի չէ (այդ դեպքում այն կոչվում է Ռեյնոյի հիվանդություն), և երկրորդային՝ այլ հիվանդության պատճառով առաջացած։ Երկրորդային Ռեյնոն կարող է առաջանալ շարակցական հյուսվածքի հիվանդությունների, ձեռքերի վնասվածքների, երկարատև վիբրացիայի ազդեցությանը ենթարկվելու, ծխելու, վահանաձև գեղձի հիվանդությունների և մի շարք դեղերի պատճառով։ Ախտորոշումը կատարվում է կլինիկական նշաններից ելնելով։

Առաջնային բուժումը ցրտից խուսափելն է, այնուհետև նիկոտինից կամ հոգեխթանիչ դեղերից հրաժարում։ Նշված եղանակներով վիճակի բարելավման բացկայության դեպքում ընտրության դեղեր են կալցիումական անցուղիների պաշարիչները և իլոպրոստը։ Որոշակի ապացույցներ կան այլընտրանքային բժշկության կիրառման արդյունավետության մասին։ Ծանր դեպքերում հազվադեպ կարող է բարդանալ մաշկի խոցով կամ փտախտով։

Մարդկանց մոտավորապես 4%-ն ունի այս խնդիրը։ Առաջնային Ռեյնոն առաջանում է հիմնականում 15-30 տարեկան հասակում և առավել հաճախ կանանց մոտ։ Երկրորդային տեսակը հիմնականում ախտահարում է մեծահասակ մարդկանց։ Երկու տարբերակներն էլ առավել տարածված են ցուրտ կլիմայական պայմաններում։

Համախտանիշը կոչել են ի պատիվ ֆրանսիացի նյարդաբան Մորիս Ռեյնոյի, որը նկարագրել է այս վիճակը 1862 թվականին։

Այս հիվանդությունը ախտորոշելու համար անհրաժեշտ է ձեռքը մեկ րոպե սառը ջրի մեջ դնել։

Եթե ​​վերջույթը դառնում է սպիտակ և ջրից դուրս հանվելուց կարճ ժամանակում չի վերադառնում նորմալ գույնի, դա կարող է լինել սինդրոմի նշան: Այս դեպքում անհրաժեշտ է խորհրդակցել բժշկի հետ: Ռեյնոյի համախտանիշը կարող է հաջողությամբ բուժվել, եթե վաղ հայտնաբերվի: