Ձկան օգտակար հատկությունները. Սկսեք հաճախ ձուկ ուտել

Պետք է չմոռանալ, որ չնայած նրան, որ ձուկը շատ օգտակար է, այն նաեւ համարվում է ուժեղ ալերգեն: Եթե ընտանիքի անդամներից որեւէ մեկն ունի ալերգիա ձկան հանդեպ, շատ հնարավոր է, որ երեխայի մոտ եւս ի հայտ գա ալերգիա ծովամթերքներից: Նման դեպքերում պետք է գոնե 1 տարի երեխաներին ծովամթերքներից զերծ պահել: Իսկ առհասարակ երեխային տալ ձկան տեսքով հավելյալ սնունդ` խորհուրդ է տրվում 1 տարեկանից` սկսելով 1 թեյի գդալից:

Ձուկը շատ օգտակար է ոսկրերի համար. կալցիումի բարձր պարունակության շնորհիվ այն օգնում է ոսկրերը առողջ և ամուր պահել։  Ձուկը օգուտ է նաև շնչառական համակարգին՝ մասնավորապես, համարվում է, որ այն նվազեցնում է ասթմայի առաջացման վտանգը։

Ծովաձուկը շատ յոդ է պարունակում, որն, ինչպես հայտնի է, անհրաժեշտ է նորմալ նյութափոխանակության համար։ 

Ձկան մեջ պարունակվող կալցիումի աղերը լավացնում են նյարդային համակարգի աշխատանքը և ճնշում սթրեսի հորմոնների սինթեզը։ A, E և D վիտամինները, որոնցով հարուստ է ձուկը, անհրաժեշտ են տեսողական օրգանների նորմալ գործունեության համար։