Ինչու երբեք չպետք է լվանալ հում հավը․ Դուք լվանու՞մ եք այն

Համեղ և հյութեղ հավի կոտլետներ՝ մոցարելլայով

Հավի աղացած կոտլետները ամենից հաճախ չոր են դուրս գալիս հենց մսի հատկությունների պատճառով։ Որպեսզի դա տեղի չունենա, յուրաքանչյուր կոտլետի մեջ դնում ենք պանրի գնդիկ, որը տապակելու ընթացքում կհալվի և ուտեստը շատ ավելի հյութալի կդարձնի։

Բաղադրությունը՝

հավի աղացած միս - 500 գր. 

տոստ հաց - 9 շերտ

պապրիկա - 1 թ.գ

չորացրած մաղադանոս - 1 թ.գ

սխտորի փոշի - 1թ.գ

ձիթապտղի յուղ - 1 ճ.գ

մոցարելլա - 100 գր

ձու - 1 հատ

կաթ - 2 ճ.գ

աղ, պղպեղ - ըստ ճաշակի 

Պատրաստման եղանակ

1. Կտրեք վեց կտոր տոստ հացի եզրերը, կտրատեք միջուկը և մանրացրեք բլենդերի մեջ։ Մանրացրած հացը մանրակրկիտ հունցվում է աղացած մսի, պապրիկայի, աղի, պղպեղի, ձիթապտղի յուղի, չորացրած մաղադանոսի և սխտորի հետ։

2. Մնացած եզրերը ևս երեք կտրատած տոստ հացով նույնպես մանրացնել  բլենդերի մեջ։ Ավելացնել պապրիկա, չորացրած սխտոր և աղ, ապա ամեն ինչ խառնել:

3. Հավի մեկ ձուն պատառաքաղով հարել երկու ճաշի գդալ կաթով։

4. Կոտլետներ ենք կազմում՝ յուրաքանչյուրի կենտրոնում դնելով մի քանի կտոր մոցարելլա։ Յուրաքանչյուր կոտլետը նախ թաթախեք ձվի և կաթի խառնուրդի մեջ, ապա թաթախեք հացի խառնուրդի մեջ, իսկ վերջում՝ տաքացրած տապակի մեջ ձիթապտղի յուղի մեջ։

5. Տապակել 3-4 րոպե յուրաքանչյուր կողմից։ Համեղ և հյութալի աղացած հավի կոտլետները պանրի միջուկով պատրաստ են։