Ինչու եք անընդհատ ուզում ուտել. Ինչպես նվազեցնել քաղցը

Ինչ կարելի է ուտել երեկոյան, որպեսզ և՛ հագեցնել քաղցը, և՛ չգիրանալ: Գրում է med.tert.am-ը

Հաճախ նիհարել ցանկացողների առաջին սխալը լինում է այն, որ նրանք բարձր կալորիականությամբ սնունդ են ուտում երեկոյան ուշ ժամերին կամ ընդհանրապես զրկում են իրենց սննդից: Սակայն կան որոշ մթերքներ, որոնք կօգնեն և՛ հագեցնել քաղցը, և՛ չգիրանալ: Դրանց շարքին են  դասվում.

1.      Դյուրամարս սնունդը. դյուրամարս են համարվում բանջարեղենը, ծովամթերքն ու ձկները: Խորհուրդ չի տրվում օգտագործել յոգուրտ ու արգանակներ, որոնք շատ արագ դուրս են գալիս օրգանիզմից:

2.      Ցածր կալորիականությամբ սննդամթերքը. աշխատեք ուշ ժամերին օգտագործել առօրյա սննդի ¼ մասը, իսկ  կալորիաներով հարուստ ուտեստներն օգտագործել մինչև ժամը 3-ը:

3.      Անյուղ մթերքը. ճարպոտ սնունդն առաջացնում է ստամոքսի ծանրության զգացում և կարող է դառնալ քնի խանգարման պատճառ:

4.      Կալիումով ու մագնեզիումով հարուստ մթերք. համարվում է, որ քնելուց 2 ժամ առաջ նման մթերք օգտագործելը նպաստում է մկանների հանգստացմանը և գլխուղեղի աշխատանքի կարգավորմանը, ուստի կարելի է երեկոյան օգտագործել ջեռոցում եփված ձուկ, կանաչեղեն, կաղամբ, կանաչ ոլոռ:

Բացի այդ, կան նաև այնպիսի մթերքներ, որոնք պարունակում են շատ քիչ քանակությամբ կալորիա, օգնում են այրել մեծ քանակությամբ կալորիա և ազատվել ավելորդ քաշից: Երեկոյան մարզվելուց հետո նման մթերք օգտագործելու դեպքում կարելի է հասնել բավական լավ արդյունքների: Խոսքը կաղամբի, սեխի, գազարի, նեխուրի, ծիրանների, խնձորների, ծովախեցգետնի, բրոկոլիի, ճակնդեղի, բալի, վարունգների և մի շարք այլ մթերքների մասին է:

Երեկոյան սնվելու համար հարկավոր է ճիշտ մթերք ընտրել: Այս կերպ սննդակարգը կազմելու դեպքում կարելի է հասնել հիանալի արդյունքի և մոռանալ ավելորդ քաշի խնդրի մասին:

Կայքում տեղ գտած նյութերը կրում են միմիայն տեղեկատվական բնույթ։ Ցանկացած ինքնաբուժումից և բնական միջոցներ կիրառելուց առաջ, պարտադիր հարցրեք բժշկի կարծիքը։