Ի՞նչ օգտակար հատկություններ ունի կեռասը

100 գ պտղամսի մեջ պարունակվում է 0,01 մգ B1, B2 վիտամիններ, 0,4 մգ նիացին, 15 մգ ասկորբինաթթու, 0,3 մգ վիտամին E, ռուտին։ Կորիզը պարունակում է 28 տոկոս պրոտեիններ եւ 30 տոկոս ճարպեր։ Կեղեւը պարունակում է մեծ քանակությամբ դաբաղանյութ եւ ներկանյութ։ Արժեքավոր է կեռասի խեժը, այն հարուստ է արաբինով։

Օրական 2-3 անգամ մեկ բուռ կեռասը զգալիորեն կկրճատի խոլեսթերինի մակարդակն արյան մեջ: Կեռասը նպաստում է մաշկային որոշ հիվանդությունների բուժմանը, ինչպիսիք են փսորիազը, էկզեման: Կեռասն ընդամենը մեկ շաբաթում կբարձրացնի հեմոգլոբինի մակարդակը, կպայքարի սակավարյունության դեմ: 

Վաղ տոքսիկոզով տառապող հղի կանանց ևս խորհուրդ է տրվում կեռաս օգտագործել, սակայն` չափավոր, լրացուցիչ այտուցվածություն չառաջացնելու և երիկամները չծանրաբեռնելու համար:

Չափից ավելի կեռաս օգտագործելու դեպքում օրգանիզմում կարող է ավելցուկային հեղուկ մնալ: Հիպերտոնիկները նույնպես կարող են կեռաս օգտագործել ինքնազգացողության լավացման համար: Կեռասի պարբերական օգտագործումը կայունացնում է զարկերակային ճնշումը: