Հոգնե՞լ եք ավանդական նրբաբլիթներից, փորձեք նորը

Նրբաբլիթները հին ձևով պատրաստելու փոխարեն, եկեք թարմացնենք բաղադրատոմսը՝ խմորին ավելացնելով երշիկ, կանաչի և պանիր։ 

Այն ոչ միայն 2 անգամ ավելի հագեցնող կստացվի նույնիսկ առանց հավելյալ միջուկի, այլ նաև շատ ավելի համեղ։

 Բլիթների համար խմորն առանց խմորիչի ենք պատրաստում, այլ՝ թթվասերով։

     Բաղադրիչներ

150 գրամ թթվասերը

 2 ձու,

100գ ալյուր

125մլ տաք ջուր

աղ, սոդա

75 գ. երշիկ

պանիր և կանաչի 

Ամանի մեջ լցնում ենք թթվասերը, ավելացնում ձվերը, աղը և սոդան, լավ հարում ենք, ապա քիչ-քիչ ավելացնում ենք ալյուրը և տաք ջուրը: Զանգվածը պետք  լինի հեղուկ վիճակով, այսպես նրբաբլիթները ավելի նուրբ ու բարակ կստացվեն: 

Միջուկի համար կտրատում ենք երշիկը, քերիչով անցկացնում պանիրը և ավելացնում ենք կանաչին ըստ ճաշակի:

Ավելացնում ենք անմիջապես խմորի զանգվածին, անընդհատ խառնելով մինչև ստացվի միատարր զանգված:

Այժմ մնում է միայն տապակել մեր նրբաբլիթները, տապակում ենք 2 կողմից՝ մինչև եփվելը:Պատրաստի նրբաբլիթների տեսքից գրեթե չի հասկացվում, որ այն պատրաստվել է ոչ սովորական բաղադրատոմսով:

Միայն ուշադիր զննելիս նկատելի կլինի խմորի միջուկը: Մատուցել՝ թթվասերով, որը հրաշալի կերպով համադրվում է նրբաբլիթի միջուկի երշիկի հետ: