Հիանալի թուրմ, որը կարգավորում է մարսողությունը և թուլացնում որովայնի ցավը

Գերմանացի մասնագետները ներկայացրել են լավագույն բնական թուրմերը, որոնք կօգնեն մեղմել ցավն առանց դեղորայքի։

Անիսոնով, հոռոմ-սամիթով ու քիմիոնով ըմպելիք

Աղիներում մեծ քանակությամբ գազերի կուտակումը ճնշում է գործադրում ստոծանու ու սրտամկանի վրա` առաջացնելով տհաճ զգացողություններ։ Ըմպելիքը պատրաստելու համար հարկավոր է բոլոր բաղադրիչները հավասար քանակությամբ խառնել, այնուհետև 1-2 թեյի գդալ մանրացրած խառնուրդին ավելացնել մի բաժակ եռման ջուր ու թրմել 5 րոպե։ Բաղադրիչները հարկավոր է մանրացնել թեյը պատրաստելուց անմիջապես առաջ, այլապես եթերայուղերը կգոլորշիանան։ Ստամոքսի հետ կապված խնդիրների դեպքում մասնագետները խորհուրդ են տալիս այս թեյը խմել օրական 1-2 բաժակ փոքր կումերով։

Երիցուկի թեյ

Երիցուկի մեջ պարունակվող յուղն օգնում է ազատվել բորբոքումներից, մեղմում է սպազմները և նպաստում է վերքերի արագ ապաքինմանը։ Ցավոտ զգացողությունների դեպքում մասնագետները խորհուրդ են տալիս սննդի ընդունման ժամերի միջև 3-4 բաժակ երիցուկի թեյ խմել։ Այն պատրաստելու համար հարկավոր է 1 ճաշի գդալ երիցուկի ծաղիկներին ավելացնել մի բաժակ եռման ջուր ու թրմել 5 րոպե։