Համեղ ըմպելիք՝ ավելորդ քաշը վերացնելու համար

Բազմաթիվ հետազոտությունների արդյունքում ապացուցվել է, որ կոճապղպեղի օգտագործումը «մեծ կարողություն» ունի նվազեցնելու մարմնի քաշը՝ միաժամանակ բալասնսավորելով խոլեստերինի մակարդակը։

Կոճապղպեղը համարվում է մոլորակի ամենաառողջ բույսերից մեկը։ Այն հատկապես օգտակար է  առավոտյան սրտխառնոցը, մարսողության խանգարումից առաջացած գլխապտույտը նվազեցնելու համար։

Ուսումնասիրությունը ցույց է տվել, որ սիրտ-անոթային հիվանդությունների հակված տղամարդիկ մեծապես օգուտ են քաղում օրական 60 գրամ կտավատի սերմի փոշի ընդունելուց: Առավելությունները ներառում են քաշի կորուստ, արյան ճնշման իջեցում, բորբոքման նվազեցում և խոլեստերինի մակարդակի իջեցում:

Կտավատի սերմերը պարունակում են հակաբորբոքային և հակաօքսիդանտ հատկություններ, մանրաթել, օմեգա-3 ճարպաթթուներ, վիտամին B1, ինչպես նաև պղինձ, մանգան, մագնեզիում և ֆոսֆոր:

Կտավատի սերմերը նույնպես հիանալի են մարսողության բարելավման համար:

Հապալասը ոչ միայն շատ համեղ է, այլև համարվում է ճարպերի դեմ պայքարի լավագույններից մեկը։ Այն նաև լի է հակաօքսիդանտներով, մանրաթելերով և ջրով, որոնք օգնում են ձեզ լիարժեք զգալ, մարսել, նվազեցնել ախորժակը և պայքարել հիվանդությունների դեմ:

Ուսումնասիրությունները ցույց են տվել, որ սպանախի մեջ պարունակվող թիլաոիդները կարող են 43%-ով ավելացնել քաշի կորուստը՝ համեմատած նրանց, ովքեր պլացեբո են ստացել: Ասում էին նաև, որ այն ուտելը զգալիորեն նվազեցնում է անառողջ սննդի հանդեպ փափագը:

Արդյունքում, այս բոլոր բաղադրիչները այս կոկտեյլը կդարձնեն նիհարելու լավ արդյունքների հասնելու հիմնական գործոնը:

Բաղադրությունը:

1 բանան
2 ճաշի գդալ աղացած կտավատի սերմեր
3 ճաշի գդալ սառեցված հապալաս
1/2 թեյի գդալ քերած թարմ կոճապղպեղ
1-2 ճաշի գդալ սպանախ
300 մլ մաքուր ջուր
մեղր, կակաո, վանիլին ըստ ճաշակի

Բոլոր բաղադրիչները հարում ենք բլենդերի մեջ մինչև ստացվի հարթ զանգված: Խորհուրդ է տրվում կոկտեյլը խմել նախաճաշին: