Գլխապտույտի դեմ կանխարգելման լավագույն բնական միջոցները
Դիտումներ 345 
Գլխապտույտը բավական լուրջ խնդիր է, որն ուղեկցվում է մի շարք տհաճ զգացողություններով և կարող է շատ վտանգավոր լինել։ Շատերը կարծում են, թե գլխապտույտը սովորաբար ի հայտ է գալիս կտրուկ և շատ դեպքերում չի ունենում որևէ պատճառ, մինչդեռ իրականում այս տհաճ խնդիրը կարող է պայմանավորված լինել բավական վտանգավոր հիվանդություններով, որոնց դեպքում հարկավոր է անհապաղ միջոցներ ձեռնարկել ու սկսել բուժումը։
Սա այն խանգարումներից է, որի հաճախակի կրկնության դեպքում հարկավոր է դիմել բժշկին ու պարզել խնդրի պատճառը, սակայն եթե գլխապտույտը հազվադեպ բնույթ է կրում կամ պայմանավորված չէ առողջական որևէ լուրջ խնդիրներով, ապա կարելի է նաև ինքնուրույն միջոցներ ձեռնարկել տհաճ զգացողություններից ազատվելու համար։
Ձեր ուշադրությանն ենք ներկայացնում լավագույն բնական միջոցները գլխապտույտի դեմ պայքարի համար։ Այս միջոցներն արդյունավետ են և օգնում են հեշտությամբ ազատվել տհաճ զգացողություններից՝ միաժամանակ չառաջացնելով կողմնակի բարդություններ։
Կոճապղպեղ
Կոճապղպեղն օգնում է բարելավել գլխուղեղի արյան շրջանառությունը, մեղմում է սրտխառնոցն ու ազատում է գլխապտույտից, որը հաճախ պայմանավորված է լինում առողջական այնպիսի խնդիրներով, ինչպիսին են ծովային հիվանդությունն ու միգրենը։ Պարզապես հարկավոր է մի կտոր կոճապղպեղ ծամել կամ պարբերաբար կոճապղպեղով թեյ խմել
Ռեհան
Ռեհանի յուրահատուկ բույրը գործում է որպես արոմաթերապևտիկ միջոց գլխապտույտի դեմ։ Պարզապես հարկավոր է ռեհանի 3-4 թերթիկին ավելացնել մի բաժակ կաթ, դնել կրակին ու եռացնել, այնուհետև խմել ստացված օգտակար ըմպելիքը քնելուց առաջ։ Անգամ այս յուրահատուկ ըմպելիքի բույրը կարող է շատ օգտակար լինել։ Բուժման կուրսը տևում է առնվազն մի քանի շաբաթ։
Ամենաընթերցվածը
