Գիտեի՞ք սա. Ինչ է կատարվում օրգանիզմի հետ, երբ ուտում ենք կարմիր սոխ

Բանջարեղենը կարող է առաջացնել թթվային ռեֆլյուքսի ախտանիշներ, որտեղ ստամոքսի թթուն հետ է գալիս կերակրափող և կրծքավանդակում այրում է առաջացնում: 
Ընդհանուր առմամբ, մարդիկ, ովքեր հակված են այրոցին, պետք է խուսափեն սոխից, կծու մթերքներից, ցիտրուսային մրգերից, ալկոհոլից և լոլիկից:
Հակաբակտերիալ ազդեցություն
Բազմաթիվ ապացույցներ կան, որ սոխը հակաբակտերիալ ազդեցություն ունի օրգանիզմի վրա։ 
Մասնավորապես, ուսումնասիրությունները հաստատում են, որ բանջարեղենն ունի E.coli և S.aureus վնասակար բակտերիաների դեմ պայքարելու հատկություն։ 
Իսկ կվերցետին կոչվող միացությունը, որը հայտնաբերված է սոխի մեջ, կարող է պոտենցիալ արգելակել H. pylori կոչվող մանրէի աճը, որը կապված է ստամոքսի խոցի հետ:
 

Իհարկե, անխոհեմ կլինի ասել, որ կարմիր սոխը կարող է 100%-ով պաշտպանել E. coli-ից կամ ստամոքսի խոցից, սակայն ենթադրվում է, որ բանջարեղենը կարող է պայքարել բակտերիաների դեմ:

Գրգռված աղիքի համախտանիշի սրացում
Հետազոտության համաձայն՝ սոխը միայն այն մթերքներից մեկն է, որը կարող է սրել հիվանդության ախտանիշները։ Օրինակ՝ սխտորն ու սուրճը կարող են նմանատիպ ախտանիշներ առաջացնել։

Արյան շաքարի վերահսկում
Կարմիր սոխի կանոնավոր օգտագործումը կարևոր է առողջության և այնպիսի հիվանդությունների կանխարգելման համար, ինչպիսին է շաքարախտը։