Գարնանը անպայման պետք է խմեք սա, որ լավ լինեք

Կտավատի սերմերը կիրառում են շաքարախտի, ցիստիտը, միզաքարային հիվանդությունների ժամանակ. Իմացեք ավելին

Դեռևս հնագույն ժամանակներից կտավատի սերմերը հայտնի են իրենց օգտակար հատկություններով։ Կտավատը և՛ դեղ է, և՛ դիետիկ մթերք, և՛ անփոխարինելի կոսմետիկ միջոց։

Կտավատի սերմերը պարունակում են հակաօքսիդանտներ, վիտամիններ, հանքային նյութեր։

Միևնույն ժամանակ կտավատի սերմերը A, E, B վիտամինների հիանալի աղբյուր են, պարունակում են բանանից 7 անգամ ավել կալիում։

Կտավատի սերմը պարունակում է 3 տեսակի չհագեցված ճարպաթթուներ՝ օմեգա- 3, օմեգա- 6 և օմեգա-9։

Չհագեցված ճարպերը և F վիտամինը, որով նույնպես հարուստ է կտավատի սերմը, նպաստում են արյան մեջ խոլեստերինի մակարդակի և արյան բարձր ճնշման իջեցմանը։
Այդ պառճառով Էլ կտավատի սերմերը օգտագործում են աթերոսկլերոզի, ինսուլտի, ինֆարկտի, թրոմբոզների և սրտանոթային համակարգի այլ հիվանդությունների կանխարգելման ժամանակ։

Կտավատի սերմերի մեջ եղած հակաօքսիդանտները օժտված են հակաբակտերիալ և հակավիրուսային հատկություններով։

Կտավատի սերմերը կիրառում են նաև շաքարախտի կանխարգելման և բուժման ժամանակ։

Նրանք նաև հայտնի են որպես հակամակաբուծային հզոր մթերք։
Կտավատի սերմերի եփուկը ոչնչացնում է բոլոր տեսակի մակաբույծներին բացի ասկարիդից։

Պոլիսախարիդների մեծ քանակի հաշվին ջրի մեջ ընկղմելիս կտավատի սերմերը ուռչում են և աղեստամոքսային տրակտի համար կատարում պաշտպանիչ հակաբակտերիալ թաղանթի դեր՝ դրանով իսկ անգնահատելի դեր ունենալով գաստրիտի և ստամոքսի խոցի բուժման համար։

Կտավատի սերմերը նաև հզոր սորբենտ են, որոնք իրենց ազդեցությամբ չեն զիջում ակտիվացրած ածուխին։
Բայց պետք է հիշել, որ կտավատի սերմերը պետք է խմել մեծ քանակությամբ ջրով։

Կտավատի սերմերը կիրառում են նաև նիհարելու նպատակով։ Նրանք բուսական բջջանյութի հիանալի աղբյուր են, իսկ, ինչպես հայտնի է, բջջանյութը ակտիվացնում է աղիների աշխատանքը, որոնց ժամանակին մաքրումը կարող է կանխարգելել շատ լուրջ հիվանդություններ։

Կտավատի սերմերի պարբերաբար գործածումը սննդի մեջ թեթևացնում է ալերգիկ հիվանդությունների ընթացքը, նորմալացնում է հորմոնային հավասարակշռությունը կանանց օրգանիզմում։

Կտավատի սերմերի եփուկով բուժում են բուշտերը, այրվածքները, բերանի խոռոչի և կոկորդի զանազան բորբոքումները։ Շատ լավ փափկեցնում է նաև չոր հազը։
Կիրառում են նաև ցիստիտների, նեֆրիտների, միզածորանի քարերի բուժման ժամանակ։

Ինչպե՞ս օգտագործել կտավատի սերմերը

Ամենահեշտ եղանակը դրանք սննդի մեջ կիրառելն է։ Հարկ է ուտել օրական 5 գրամ։
Շատ երկրներում կան կտավատի սերմերի կիրառումը խթանող պետական ծրագրեր։
Այսպես, օրինակ՝ Գերմանիայում հացաթխման ոլորտում օգտագործվում է այս արժեքավոր մթերքը՝ 1շնչին տարեկան 1կգ. հաշվարկով։ Նույնատիպ ծրագիր կա նաև Կանադայում։
Ինչպե՞ս պատրաստել կտավատի սերմերի եփուկը

Ամենից հաճախ կտավատի սերմերից թուրմ կամ եփուկ են պատրաստում։
Թարմ եփուկը հաճելի համ ունի, բայց պետք չի այն եփել ու պահել. պետք է օգտագործել անմիջապես։

Եվ այսպես՝

1 ճ/ գ կտավատի սերմերի վրա լցնել 2 բաժակ եռման ջուր և թողնել թրմվի 1 գիշեր։
Ընդունել օրը 2-3 անգամ՝ ուտելուց կես ժամ առաջ, 100 գր. չափաբաժնով։

Հաջորդ եղանակը՝

1 ճ/ գ կտավատի սերմերի վրա լցնել 1 բաժակ եռման ջուր և մարմանդ կրակի վրա փակ վիճակում եփել կես ժամ՝ պարբերաբար խառնելով։
Ընդունել այնպես, ինչպես նախորդ դեպքում։
Կարելի է նաև աղալ սերմերը, հետո նոր թրմել։

Կտավատի սերմերով բուժման արդյունքը դուք շատ շուտ կզգաք։

Կայքում տեղ գտած նյութերը կրում են միմիայն տեղեկատվական բնույթ։ Ցանկացած ինքնաբուժումից և բնական միջոցներ կիրառելուց առաջ, պարտադիր հարցրեք բժշկի կարծիքը։