Եթե ունեք այս նշանները, ապա բավարար քանակությամբ վիտամիններ չեք ստանում սննդով

Հոգնածություն. Ավելորդ հոգնածությունը կարող է ունենալ տարբեր ֆիզիկական պատճառներ, օրինակ՝ վահանաձև գեղձի անբավարար աշխատանք: Բայց եթե մարդը սննդից չի ստանում B վիտամին, նա նույնպես կարող է տառապել մշտական ​​թուլությունից։ Այս վիտամինն առկա է կաթնամթերքի, մսի, կաղամբի մեջ։

Մաշկի քոր. Բժշկի խոսքով, մաշկի ցանն ու քորը կարող են լինել վիտամին B6-ի պակասի ախտանիշ, որի դեպքում կոլագենը քայքայվում է, և մաշկը սկսում է թեփոտվել։ Վիտամին B6-ը պարունակում է ձավարեղեն, ընկույզ և պնդուկ, կարտոֆիլ, սպանախ, լոլիկ, գազար, կաղամբ, նարինջ և կիտրոն, բանան, լոբազգիներ:

Սրտխառնոց.Սրտխառնոցը ստամոքս-աղիքային վարակի բնորոշ նշան է: Բայց շատ դեպքերում այն ​​ունի շատ ավելի անվնաս պատճառ՝ H վիտամինի կամ բիոտինի պակաս: Այս նյութն օգնում է օրգանիզմին սնունդը վերածել էներգիայի, որն անհրաժեշտ է ճարպաթթուների նյութափոխանակության համար։ Բիոտին պարունակող մթերքներ՝ ձվի դեղնուց, հատիկաընդեղեն, ընկույզ, սունկ, ծաղկակաղամբ, սպանախ, լոլիկ, ձավարեղեն:

Ուժեղ քրտնարտադրություն. Դա կարող է պայմանավորված լինել վիտամին D-ի պակասով: Բացի այդ, դրա պակասը բացասաբար է ազդում տրամադրության վրա, նպաստում է ոսկորների վնասմանը և քնի խանգարմանը: Վիտամին D-ն հայտնաբերված է հիմնականում կենդանական մթերքներում՝ ձուկ և ձկան խավիար, ձվի դեղնուց, կաթնամթերք։

Հիշողության կորուստ․ Մոռացությունը կարող է լինել վիտամին B3-ի անբավարար ընդունման արդյունք, որը մասնակցում է կենտրոնական նյարդային համակարգի աշխատանքին։ Այս վիտամինը փնտրեք մսի, ձկան և կաթնամթերքի մեջ: