Եթե ունեք արթրիտ, ապա այս հյութը ձեր փրկիչն է

Վերջին հետազոտությունները ցույց են տվել, որ կեռասը հակաբորբոքային հատկություն ունի, և նույնիսկ կեռասով կարկանդակը և հյութը կարող են օգնել արթրիտ ունեցող մարդկանց և բարելավել նրանց ինքնազգացողությունը:

Փորձը կազմակերպել են Օրեգոն Առողջության համալսարանի գիտնականները, որին մասնակցած 40-ից 70 տարեկան 20 կանայք տառապել են հոդերի բորբոքային վնասվածքով (արթրիտ): Հետազոտության արդյունքները հրապարակվել են այս տարվա մայիսի 30-ին Կալիֆորնիայի Սան Ֆրանցիսկոյի Ամերիկյան սպորտային բժշկության քոլեջում (ACSM) անցկացված համաժողովում:

Հետազոտության ընթացքում ապացուցվել է, որ երեք շաբաթվա ընթացքում օրական երկու անգամ բալի բնական հյութ խմելը զգալիորեն նվազեցնում է օրգանիզմում բորբոքման մարկերները: Այն հատկապես արտահայտված էր բորբոքային պրոցեսի ակտիվության բարձր մակարդակ ունեցող մասնակիցների մոտ։

Փորձի հեղինակ, բժիշկ Քերի Քյուհլը մեջբերում է. «Միլիոնավոր ամերիկացիներ, ովքեր տառապում են արթրիտից, փորձում են տարբեր ցավազրկման ոչ դեղորայքային բուժումներ: Նույնիսկ պարզ բալի հյութը կարող է օգնել նրանց այս հարցում՝ առանց կողմնակի ազդեցությունների, որոնք առաջացնում են արթրիտի բուժման այլ դեղամիջոցները: Ինձ հետաքրքրում է այն հակաբորբոքային ներուժը, որն ունի սովորական բալը»:

Դոկտոր Քյուլի նախորդ հետազոտությունները ցույց են տալիս, որ բալը պահպանում է իր հակաբորբոքային հատկությունները նույնիսկ չորացրած և խորը սառեցված վիճակում:

Բալի մեջ հայտնաբերված հակաօքսիդանտ միացությունները (անտոցիանին) տալիս են մրգին իր վառ գույնը և բարձր հակաօքսիդանտ հատկությունները, որոնք օգնում են նվազեցնել բորբոքումը բարձր մակարդակով: Մասնագետների կարծիքով, բալի այս հակաբորբոքային և ցավազրկող հատկությունները նման են որոշ ոչ ստերոիդային դեղամիջոցների (NSAIDs), որոնք օգտագործվում են արթրիտի բուժման համար: