Եթե գիշերային ժամերին արթնանում եք, ուրեմն այս հիվանդությանն եք հակված

Մենք բացատրում ենք, թե ինչպես ճանաչել շաքարախտը վաղ փուլում և ինչ կարելի է անել:
Երբ մարդը շաքարախտ ունի, արյան մեջ շաքարի մակարդակի կարգավորումը խաթարվում է։ Դա պայմանավորված է ենթաստամոքսային գեղձի հորմոն ինսուլինով, որը կարգավորում է ածխաջրերի նյութափոխանակությունը: 1-ին տիպի շաքարախտի դեպքում իմունային համակարգը ընկալում է ինսուլին արտադրող բջիջները որպես սպառնալիք և ոչնչացնում դրանք։ 2-րդ տիպի շաքարախտի դեպքում օրգանիզմի բջիջները չեն արձագանքում ինսուլինին կամ պարզապես բավարար քանակությամբ ինսուլին չկա:
Արդյունքում գլյուկոզան չի մտնում բջիջներ, այլ կուտակվում է արյան մեջ։ Ժամանակի ընթացքում դա հանգեցնում է արյան անոթների և նյարդերի վնասմանը: Սակայն վաղ փուլում օրգանիզմում առկա խանգարումների մեծ մասը դեռ շրջելի է:

Ինչու են գիշերային արթնացումները և գլխացավերը շաքարախտի նշան.
1-ին տիպի շաքարախտը հաճախ զարգանում է բավականին արագ և անսպասելի, օրինակ՝ ծանր սթրեսից հետո։ 2-րդ տիպի շաքարախտով մարդիկ երբեմն տարիներ շարունակ անտեղյակ են իրենց վիճակի մասին, քանի որ հիվանդության ախտանշանները սովորաբար ավելի քիչ սուր են: Շատ կարևոր է շաքարախտը վաղ փուլում ճանաչելը։

Արյան շաքարի բարձրացման նշաններից մեկն ի հայտ է գալիս նախալուսնի ժամերին՝ ժամը 3-ից հետո՝ գլխացավն ու արթնացումը։

Բանն այն է, որ գիշերը, երբ մարդը չի ուտում, նախ գլյուկոզայի մակարդակը նվազում է։ Իսկ առավոտին ավելի մոտ՝ օրգանիզմը պատրաստվում է արթնացմանը և լյարդի մասնակցությամբ արյան մեջ շաքարի կուտակված չափաբաժիններ է արտազատում։ Առողջ մարդու մոտ գլյուկոզայի մակարդակի բարձրացումը չի վնասում օրգանիզմին։ Բայց եթե արյան մեջ արդեն շատ շաքար կար, ինչպես դա տեղի է ունենում շաքարախտի դեպքում, առաջանում է հիպերգլիկեմիա։

Գիշերային հիպերգլիկեմիայի ախտանիշները ներառում են վատ քուն, հաճախակի արթնացումներ՝ զուգարան գնալու կամ ջուր խմելու համար, գլխացավ,  բերանի չորություն և սրտխառնոց: Եթե ​​նման պայմանները կանոնավոր կերպով նկատվում են, դա պատճառ է հանդիսանում հնարավորինս շուտ բժշկի հետ խորհրդակցելու համար։