Եթե ցանկանում եք պահպանել ձեր լավ տեսողությունը, ապա անպայման կերեք այս մթերքները

Հատկապես կարևոր է պահպանել մեզո-զեաքսանտինի, լյուտեինի և զեաքսանտինի անհրաժեշտ մակարդակը նրանց համար, ովքեր շատ ժամանակ են անցկացնում հեռուստացույց դիտելուց, սմարթֆոնների կամ համակարգչի մոնիտորների առջև, քանի որ նրանց էկրանների արտադրած լույսը բացասաբար է անդրադառնում բջիջների վրա:

«Այս պիգմենտները նվազեցնում են բազմաթիվ ակնաբուժական հիվանդությունների առաջացման վտանգը, կանխում են ուլտրամանուշակագույն ճառագայթների ներթափանցումը ցանցաթաղանթ և նպաստում են աչքերի վիրահատությունից հետո հյուսվածքների արագ վերականգնմանը», - բացատրեց բժիշկը:

Կարոտինոիդները նաև օգնում են զսպել օրգանիզմում տարիքային փոփոխությունները, ուստի խորհուրդ է տրվում օգտագործել դրանք, այդ թվում՝ տարեցների կողմից:

Հատկապես շատ լյուտեին և զեաքսանտին կա կանաչ ոլոռի, սպանախի, մաղադանոսի, ռեհանի, բուլղարական պղպեղի, ռուկոլայի, ինչպես նաև դդումի, պիստակի և հազարի մեջ:

Կարոտինոիդների կլանումը մեծացնելու համար խորհուրդ է տրվում օգտագործել ձիթապտղի, կարագի կամ բուսական յուղ՝ ընդամենը 18 գրամը 5-25%-ով լավացնում է կլանման գործընթացը։

Նաև, Կալինինայի կարծիքով, լյուտեինի և զեաքսանտինի պակասը կարող է լրացվել ողջ տարվա ընթացքում համապատասխան սննդային հավելումների օգտագործմամբ:

Ամենադժվարը մեզո-զեաքսանտինի պակասը լրացնելն է, քանի որ դրա պարունակությունը մեծ է միայն իշխանի, սարդինայի և սաղմոնի մեջ:

Փորձագետի խոսքով, այս պիգմենտի աղբյուր հանդիսացող այլ մթերքներ չկան, սակայն գիտնականները կարծում են, որ այն մարդու օրգանիզմում կարող է ինքնուրույն արտադրվել լյուտեինից։