Երկվորյակ մթերքներ. ո՞րն ընտրել։ Մենք կօգնենք Ձեզ այդ հարցում

Բլղուր թե կուսկուս

Այս դեպքում բլղուրը գերազանցում է կուսկուսին համարյա բոլոր ցուցանիշներով: Նրանում 4 անգամ ավելի շատ բջջանյութ, վիտամիններ ու հանքային նյութեր կան: Այս նյութերը մաքսիմալ  պահպանելու համար լավ է շատ չեփել բլղուրը, միայն եռացրած ջուր լցնել վրան, խառնել, թողնել սառչի: Սակայն կուսկուսը ևս սննդակարգից բացառել չարժե. դրանով կարելի է փոխարինել բրինձն ու մանր մակարոնները: Այդպես օրգանիզմն ավելի շատ սպիտակուց, կալիում և ֆոլիումաթթու կստանա:

Յոգուրդ թե կեֆիր

Երկու սննդամթերքն էլ հարուստ են սպիտակուցներով ու կալցիումով, երկուսն էլ օգտակար են մարսողության համար: Սակայն այս երկուսի միջև տարբերությունն էլ մեծ է: Յոգուրդը պատրաստելիս կաթի մեջ բակտերիաների որոշակի տեսակներ են ավելացնում, իսկ կեֆիրն ավելի բազմաբաղադրիչ մթերք է: Պատրաստելուց հետո առաջին օրերին կեֆիրն ավելի մեղմ է համով ու ազդեցությամբ, ու դա կարող են օգտագործել և′ հղի կանայք, և′ երեխաները: Ժամանակի ընթացքում կեֆիրն ավելի թթու ու սուր է դառնում, այնպես որ, ապագա մայրերին, երեխաներին ու ստամոքսի բարձր թթվայնություն ունեցող անձանց այն արդեն խորհուրդ չի տրվում:

Սև թե սպիտակ խաղող

Այս երկուսի միջև տարբերությունը միայն 1 գեն է, որը պատասխանատու է անտոցիան նյութի արտադրության համար, որն էլ խաղողի պտուղները ներկում է համապատասխան գույնով՝ սև, մանուշակագույն կամ կարմիր: 2007 թ. պտուղներին նվիրված Berry Health Benefits միջազգային սիմպոզիումի ժամանակ գիտական ապացույցներ են բերվել, որ այս հակաօքսիդանտը օգնում է պայքարել դիաբետի, քաղցկեղի, նյարդային ու սրտային հիվանդությունների դեմ: Հաշվի առնելով սա՝ մուգ խաղողը պետք է որ ավելի օգտակար լիներ, սակայն միևնույն ժամանակ այն դժվարացնում է երկաթի յուրացումը այն դեպքում, երբ սպիտակ խաղողի հյութը հակառակը՝ արագացնում է այն: Այս փաստը պետք է հաշվի առնեն հեմոգլոբինի ցածր մակարդակ ունեցող մարդիկ: Իսկ մուգ կապույտ կոնկորդ տեսակի խաղողը բժիշկները համարում են երիկամներում քարերի առաջացմանը նպաստող մթերք: Եվ եւս մեկ փաստ սպիտակ խաղողի օգտին. այն ավելի բարակ թաղանթ ու ավելի նուրբ համ ունի:

Աղբյուրը ՝ http://hayastan24.com/?p=10207&l=am