Երիցուկը կօգնի վերականգնել աղիները

Երիցուկի օգտակար հատկությունները. Ամենածանր պահերին ձեզ օգնության կհասնի այս բույսը

Կա երիցուկի մոտ 70 տեսակ՝ տարածված հիմնականում հյուսիսային կիսագնդում: Բույսը պարունակում է սալիցիլաթթու, ասկորբինաթթու, դառնահամ նյութեր, ֆիտոստերին, դաբաղանյութեր, խոլին, եթերայուղ (մինչև 0,85%), որի կազմում կան մոտ 40 տարբեր տարրեր, ինչպես նաև շաքար, մոմ, յուղեր: Ծաղկաբույլերը պարունակում են մոխիր` 10,57%, մակրոէլեմենտներ և այլն: Օգտագործում են տարբեր ձևերով:

Երիցուկն ամենաօգտակար բույսերից է, որն օգտագործվում է մի շարք խնդիրների դեպքում։ Կարող եք երիցուկով թեյ խմել, քսել մաշկին, ողողել բերանը։

Կարգավորում է նյութափոխանակությունը։ Երիցուկն օգտակար է աղիների հետ կապված խնդիրների դեպքում, կարող է օգնել թուլացնել գաստրիտի հետևանքով առաջացող գավը, հանգստացնել սրտխառնոցն ու փսխումը։ Երիցուկը հանգստացնում է աղիների մկանները, բորբոքային գործընթացները։ Այս բույսն օգնում է նաև ազատվել գազերից, որովայնի փքվածությունից։

Իջեցնում է խոլեստերինի մակարդակը։ Երիցուկը կարող է արյունը մաքրել ճարպից։ Այդ պատճառով անձանց, ում արյան մեջ խոլեստերինի մակարդակը բարձր է, խորհուրդ է տրվում օրվա ընթացքում նվազագույնը մեկ բաժակ երիցուկի թուրմ օգտագործել։ Իհարկե, հարկավոր է նաև հետևել առողջ սննդակարգի կանոններին և խուսափել յուղոտ մթերքի օգտագործումից։

Օգտակար է անքնության ու նյարդային լարվածության դեպքում։ Եթե հաճախ եք նյարդայնանում կամ նյարդային լարված վիճակում եք, խորհուրդ է տրվում երիցուկն ամենօրյա սննդակարգ ներառել։

Բաղադրատոմս երիցուկով և մեղրով

Այս հիանալի բաղադրատոմսը կօգնի ձեզ բուժել մի շարք հիվանդություններ, սկսած անգինայից, վերջացրած փորլուծությունից: Անհրաժեշտ է 25գ (6 ճաշի գդալ) չորացրած երիցուկի վրա լցնել 50մլ եռացրած ջուր, փակել բերանը, փաթաթել սրբիչով և սպասել15-20 րոպե: Քամել, ավելացնել 2 ճաշի գդալ բնական մեղր և խառնել: Խմել1/3-1/2 բաժակ ուտելուց հետո: Եթե բերանում ունեք ինֆեկցիոն խնդիրներ, օրվա մեջ 2 անգամ պատրաստած հեղուկով կարող եք ողողել բերանը և կոկորդը: Չնայած իր օգտակարությանը, երիցուկ երկար ժամանակ օգտագործել չի թույլատրվում:

Կայքում տեղ գտած նյութերը կրում են միմիայն տեղեկատվական բնույթ։ Ցանկացած ինքնաբուժումից և բնական միջոցներ կիրառելուց առաջ, պարտադիր հարցրեք բժշկի կարծիքը։