Սիրտը սովորաբար զարկում է րոպեում 60-ից 90 անգամ: Բժիշկները խոսում են տախիկարդիայի մասին, երբ սրտի բաբախյունը հասնում է րոպեում 140-180 զարկի։ 

Բժշկի խոսքով՝ շատ դեպքերում կյանքի համար վտանգավոր բան չի թաքնված գիշերային սրտի հաճախ բաբախյունի հետևում, բայց երբեմն դա իսկապես տագնապալի է ստացվում։ Բժիշկ Իլյինսկայան ասաց, թե երբ է գիշերը սրտի արագ բաբախյունը վկայում է սրտի կաթվածի մասին: 

«Եթե դուք տառապում եք տախիկարդիայով, որն ուղեկցվում է սրտխփոցով, շնչահեղձությամբ, սրտխառնոցով, գլխապտույտով և թաց, քրտնած ձեռքերով, պետք է անհապաղ դիմել բժշկի։ Այս դեպքում հնարավոր է, որ տախիկարդիան կապված է նախասրտերի ֆիբրիլյացիայի, սրտի կաթվածի կամ սրտի իշեմիկ հիվանդության հետ»,- կիսվել է թերապևտը։
Նաև պետք է բժշկի դիմել, եթե գիշերային սրտի բաբախյունը հաճախակի է դառնում, այն սկսել է պարբերաբար առաջանալ։ Նա հավելեց, որ այս կերպ կարող են դրսևորվել օրգանիզմում հորմոնալ փոփոխությունները՝ մինչև հիպերթիրեոզ, ինչպես նաև անհանգստության խանգարումներ և սթրես, արյան մեջ թթվածնի և շաքարի ցածր մակարդակ։