Դդմի օգտակար հատկություններ, ինչպես այն կարող է օգնել բարձր ճնշման դեպքում

Դդմի կորիզը մեծ թվով բնական հակաօքսիդանտներ և չհագեցած ճարպաթթուներ է պարունակում: Դրանց մեջ հատկապես շատ է գամա տոկոֆերոլը՝ Е վիտամինի տարատեսակ, որը հզորագույն հակաօքսիդանտ է: Հետազոտությունները ցույց են տվել, որ այս բաղադրատարրը նվազեցնում է բորբոքային պրոցեսները եւ պաշտպանում քաղցկեղի որոշ տեսակներից:

Դդումը երկաթի մեծ քանակությամբ բոլոր բույսերին հաղթում է. ասում են, որ դդումի սիրահարներին կարելի է տարբերել դեմքի մաշկի գույնով եւ փայլով, լավ տրամադրությամբ: Դդումը խորհուրդ է տրվում հատկապես անեմիայով` սակավարյունությամբ տառապողներին: Դդումի հյութը խթանում է տղամարդկանց սեքսուալ կենսագործունեությունը:

Դդումը հաճախ է օգտագործվում կոսմետոլոգիայի մեջ` դիմակների, լոսյոնների, քսուքների: Դեմքի յուղոտ մաշկը սնուցելու համար 3 ճ/գ եփած դդումի քերուկի վրա ավելացրեք 1 ձվի դեղնուց եւ 1 թ/գ բնական մեղր: Դիմակը փոքր-ինչ տաք վիճակում քսեք դեմքին, պահեք 10-15 րոպե, ապա լվացվեք սառը ջրով: Պզուկներից, դեմքի մազանոթների ճարպից ազատվելու համար դդումի փոքրիկ կտորով մերսեք դեմքը: