Այս սերմերը բուժում են շաքարային դիաբետը, մաշկային խնդիրները, կանացի հիվանդությունները ․․․
Այս շատ օգտակար բույսը շատ անվանումներ ունի՝ չաման, ճապուռ, զիրե, քիմիոն, քիմոն:
Չինական և այուրվեդիկ բժշկությունը վաղ ժամանակներից չամանի սերմերն օգտագորում են բժշկության և կոսմետոլոգիայի մեջ:
Արաբ գեղեցկուհիներն այն պարբերաբար օգտագործում են սննդում ազդրերին և կրծքին գրավիչ կլորություն հաղորդելու համար, մազերին՝ ուժ և առողջ փայլ:
1. Մարսողություն
Չամանի պտուղները լավ ազդեցություն են ունենում ստամոքսաղիքային տրակտի վրա, մեծացնում են ախորժակը և լավացնում են մարսողությունը: Բջջանյութի մեծ պարունակության շնորհիվ՝ հատիկները օգտակար են փորկապության դեմ պայքարում: Իսկ լավ հասած սերմերը խորհուրդ է տրվում օգտագործել լյարդի թուլացած գործունեությամբ մարդկանց, նաև ստամոքսի խանգարման դեպքում:
2. Շաքարային դիաբետ
Մի շարք ուսումնասիրությունները ցույց են տվել, որ չամանի սերմերը զգալիորեն ազդում են դիաբետիկների արյան մեջ շաքարի մակարդակի նվազեցմա վրա: Լավ արդյունքի համար խորհուրդ է տրվում ընդունել օրական 2-ական թ. գ. մանրացված հատիկ՝ նախապես կաթին խառնելով:
Եվս մեկ կիրառում՝ 2 թ. գ. սերմերը թրջեք ջրով, թողեք գիշերը մնա, առավոտյան խմեք ստացված թուրմը: Ձեզ ավելի առողջ կզգաք:
3. Առողջ մաշկ
Չամանի հատիկների մածուկը հակաբորբոքային և հանգստացնող ազդեցություն ունի, արագացնում է վերականգման և ապաքինման գործընթացները: Ուստի լայնորեն կիրառվում է մաշկի քերծվածքների, վերքերի ու խոցերի բուժման համար:
4. Խոլեստերինի վերահսկողություն
Բույսը շատ օգտակար է ավելորդ քաշ, սրտի և անոթների հիվանդություններ ունեցողների համար: Չամանն ավելացրու տարբեր ուտեստների, օգտագործիր լավ հասած սերմերը, խմիր հատիկներով թուրմ, և կնվազեցնես խոլեստերինի մակարդակն անոթներում:
5. Շնչուղիների հիվանդություններ
Չամանի պտուղնեից կաթով եփուկն իսկական փրկություն է չոր հազի դեպքում: Իսկ կոկորդում ցավի դեմ կա հրաշալի բաղադրատոմս՝ 2 ճ. գ. սերմերը 30 րոպե եփիր 1 լ. ջրով: Այս թուրմով պարբերաբար ողողիր կոկորդդ:
6. Տհաճ հոտ
Տոսքինների մեծ քանակության պատճառով երբեմն մարմնից սկսում է տհաճ հոտ գալ: Բայց չամանի սերմերով թեյ օգտագործելու սովորույթ ձևավորելու դեպքում այդ խնդրից կարելի է արագորեն ազատվել:
7. Կնոջ առողջություն
Չամանի պտուղների օգտագործումն ազդում է որպես էստրոգենի արտազատման բնական խթանիչ: Չամանը խթանում է կերակրող մայրերի կաթնարտադրությունը: Կրծքի կաթի անբավարարության դեպքում օրական 3-ական բաժակ եփուկ խմիր (2 թ. գ. պտուղ 1 բաժակ տաք կաթի հետ):
Ի դեպ, չամանի սերմերը դրականորեն են ազդում տղամարդկանց լիբիդոյի վրա: