Ամենաօգտակար մթերքը շաքարային դիաբետի ժամանակ

Շաքարային դիաբետի դեպքում, ինսուլինի անբավարար ազդեցության պատճառով, տեղի է ունենում նյութափոխանակության բարդ խանգարում, արյան շաքարի մակարդակը բարձրանում է (հիպերգլիկեմիա), շաքարը արտազատվում է մեզով (գլյուկոզուրիա), արյան մեջ հայտնվում են ճարպերի այրման թթվային արտադրանքներ՝ կետոնային մարմիններ:

Շաքարային դիաբետի ժամանակ շատ կարևոր է ճիշտ սննդակարգը և ճիշտ մթերքների օգտագործումը։ Ձեզ ենք ուզում ներակայացնել մի մթերք, որը ամենաօգտակարն է դիաբետիկներին։ 

Խոսքը գնում է գետնախնձորի մասին։

Գետնախնձորը բարդածաղկավորների ընտանիքի բազմամյա բույս է։ Այս բույսը ծնունդով Հյուսիսային Ամերիկայից է: Գետնախնձորն ունի քաղցր համ և օգտագործվում է ապուրների մեջ. փոխարինում է կարտոֆիլին: Այն պարունակում է կալիում, թարմ գետնախնձորի 100գրամում կա կալիումի օրական քանակի 20%-ը, այն պարունակում է նաև 1.5% պրոտեին, 1.2գրամ մանրաթելեր և կալցիում, երկաթ, վիտամին C, B1 և B2, ինչպես նաև՝ ֆոլաթթու:

Տերևները ձվաձև են, կտրված եզրերով, թավոտ։ Ծաղկաբույլը՝ զամբյուղ։ Հողի մեջ, ցողունի հիմքի մասում առաջանում են կլոր, երկարավուն, սպիտակ, դեղին, կարմիր գույնի պալարներ, որոնք պարունակում են 16-22% ինուլին (բազմաշաքար), վիտամին B1։

Գետնախնձորը հարուստ է ինսուլինի բնական անալոգով՝ ինուլինով։ Այդ պատճառով էլ ցուցված է առաջին հերթին շաքարային դիաբետ ունեցող մարդկանց։