Ահա այն կարևոր մթերքը, որ նվազեցնում է մահվան վաղաժամ վտանգը

Պարզվել է, որ այն մարդկանց մոտ, որոնց սննդակարգում մշտապես առկա է չիլի պղպեղ, սրտանոթային հիվանդությունների հետևանքով մահվան հավանականությունը նվազում է 26 տոկոսով, իսկ քաղցկեղի հետևանքով մահվան հավանականությունը՝ 23 տոկոսով։ Ընդհանուր առմամբ՝ չիլի պղպեղի գործածության շնորհիվ կամավորների մոտ անկախ պատճառից մահվան հավանականությունը ցածր է լինում 25 տոկոսով։ 

Հետազոտության հեղինակները ենթադրում են, որ ստացված արդյունքները կարող են պայմանավորված լինել այս մթերքի յուրահատուկ հատկություններով։ Բանն այն է, որ չիլի պղպեղը հակաբորբոքային, հակաօքսիդանտային ու հակաուռուցքային ազդեցություն է ունենում, ինչպես նաև նպաստում է արյան մեջ շաքարի մակարդակի կարգավորմանը։

Միևնույն ժամանակ գիտնականները նաև ընդգծում են, որ հետագայում հարկավոր է անցկացնել հավելյալ հետազոտություններ, որպեսզի հստակեցվի չիլի պղպեղի այն չափաբաժինը, որը հարկավոր է օգտագործել օրգանիզմի վրա դրական ազդեցություն ունենալու համար։