10 մթերք հրաշալի տրամադրության համար
Տրամադրությունը բարձրացնելու համար անհրաժեշտ է ճիշտ սնվել: Men's Health պարբերականը մի սննդակարգ է ներկայացնում, որը կբարձրացնի նույնիսկ ամենավատատես մարդու տրամադրությունը:
1. Ոլոռ
Այն լևոդոպա է պարունակում, մի միակցություն, որն անհրաժեշտ է օրգանիզմում դոֆամինի սինթեզի համար: Իսկ դոֆամինը երջանկության հորմոններից մեկն է: Բացի այդ, ոլոռի մեջ մեծ քանակությամբ բջջանյութ ու պրոտեին կա:
Խորհուրդ է տրվում ուտել օրը 210 գրամ՝ ապուրի տեսքով:
2. Նարինջ
Մեկ նարնջի մեջ այնքան վիտամին C կա, որ այն բավարար է օրվա նորման պահպանելու համար: Endocrinology պարբերականի տվյալներով սթրեսի ժամանակ վիտամին C-ն բարենպաստ ազդեցություն է գործում օրգանիզմի վրա:
Խորհուրդ է տրվում օրը մեկ նարինջ ուտել:
3. Կալե կաղամբ
Եվս մեկ մթերք, որը կարող եք փնտրել խանութներում: Այն վիտամին K-ի լավագույն աղբյուրն է, այնպես որ, կալեի 15 գրամանոց բաժինը կբավարարի այս վիտամինի օրական նորման: Կաղամբի օգնությամբ օրգանիզմը նաև հեշտ է յուրացնում կալցիումը, ինչն էլ օգնում է ակտիվ մնալ:
Խորհուրդ է տրվում ուտել ձկան հետ համադրված 15 գրամ կալե կաղամբ:
4. Ծնեբեկ
Ծնեբեկի մի կոթի մեջ 20 տոկոս ֆոլիումային թթու է պարունակում: Մեծ Բրիտանիայի թագավորական քոլեջի հետազոտությունները ցույց են տվել, որ այդ թթվի պակասը տրամադրության անկման է հանգեցնում, ծանր դեպքերում՝ նույնիսկ նյարդահոգեկան խնդիրներ կարող է առաջացնել:
Խորհուրդ է տրվում 4 եփած ծնեբեկ ուտել:
5. Հնդկացորենի լապշա
Արյան մեջ շաքարի մակարդակի անկումը անկայուն տրամադրության պատճառ կարող է դառնալ: Հնդկացորենի լապշան հարուստ է տրիպտոֆաինով, որն էլ, ըստ կանադացի գիտնականների, արյան մեջ կայունացնում է շաքարի մակարդակը:
Խորհուրդ է տրվում 100 գրամ հնդկացորենի լապշա ուտել՝ ապուրի մեջ կամ բանջարեղենի հետ համադրված:
6. Շագանակագույն բրինձ
Այն մարգանցայի, սելենի ու մագնիումի աղբյուր է, բացի այդ, օգնում է օրգանիզմին ավելի լավ յուրացնել տրիպտոֆանը: Շագանակագույն բրնձի մեջ ավելի շատ վիտամին B ու երկաթ կա, քան սպիտակ բրնձի մեջ:
Խորհուրդ է տրվում 200 գրամ շագանակագույն բրինձ ուտել: Այն կարող եք համադրել հնդկահավի հետ:
7. Կինոա
Ձավարի այդ տեսակի միայն 90 գրամն ունակ է ապահովել մարգանցայի օրվա նորման: Վերջինս էլ տրամադրության կայունությունն ապահովող նյութերից է:
Խորհուրդ է տրվում 90 գրամ եփած կինոա ուտել:
8. Հնդկահավ
Հնդկահավի մեջ մեծ քանակությամբ ամինաթթուներ կան, որոնք անհրաժեշտ են սերոտոնինի վերամշակման համար, որն էլ օգնում է ձեզ հանգիստ ու գոհ լինել:
Խորհուրդ է տրվում 200 գրամ խաշած հնդկահավ ուտել:
9. Կարտոֆիլ
Կարտոֆիլի մեջ մեծ քանակության վիտամին B6 կա, որն էլ պատասխանատու է սերոտոնինի վերամշակման համար:
Խորհուրդ է տրվում 250 գրամ կարտոֆիլ ուտել:
10.Ծովախեցգետիններ
Եթե յուղոտ ձուկ չեք սիրում, կարող եք ծովախեցգետիններ ուտել. դրանք նույնչափ օգտակար են և մեծ քանակությամբ տրիպտոֆան են պարունակում:
Խորհուրդ է տրվում 100 գրամ եփած ծովախեցգետին ուտել: