«Բացասական» կալորիաներ. ինչպես ազատվել ավելորդ կիլոգրամներից
Դիտումներ 248 
Ինչ է կալորիաների բացասական բալանսը
Ընդհանուր առմամբ, բացասական կալորիաներ ունեցող մթերքներ գոյություն չունեն, քանի որ կալորիաները ֆիզիկական մեծություն են, ինչը չի կարող բացասական լինել: Այս տերմինով անվանվում են այն մթերքները, որոնք շատ քիչ կալորիականություն ունեն: Այդ պատճառով դրանք նպաստում են քաշի նվազեցմանը: Օրինակ՝ ջուրը «բացասական» կալորիաներով մթերք է: Այն կալորիաներ չի պարունակում, իսկ դրա մարսման համար օրգանիզմը պետք է էներգիա ծախսի: Իհարկե, «բացասական» կալորիաներով մթերքները լավ են նիհարելու համար, սակայն պետք չէ օգտագործել միայն դրանք, քանի որ օրգանիզմին այդ դեպքում չեն հերիքի սննդարար նյութերը, և օրգանիզմը կարող է սպառվել: Միշտ պետք է ընտրել այնպիսի սննդակարգ, որը ներառում է օրգանիզմի նորմալ աշխատանքի համար անհրաժեշտ բոլոր նյութերը:
Դետոքսիկացիա «բացասական» կալորիաներ ունեցող մթերքների միջոցով
Այս մթերքների օգտագործումը նպաստում է օրգանիզմի դետքսիկացիային: Դետոքսիկացիան կարող տևել երկու կամ ավելի օր. այն կարելի է անել այն դեպքում, երբ զգում եք, որ օրգանիզմը թարմանալու կարիք ունի: Իհարկե, այս մթերքները շատ օգտակար է նաև ներառել ամենօրյա սննդակարգ:
- Չի կարելի շատ ուտել այս մթերքներից, քանի որ մեծ քանակով ուտելու դեպքում դրանք կարող են վնասել օրգանիզմին:
- Չի կարելի ուտել ամբողջ օրը: Օրվա ընթացքում բավական է ուտել 5-6 անգամ:
- Կերեք դանդաղ և երկար ծամեք մթերքը:
- Այս մթերքները կերեք հում վիճակում: Դրանք այդ կերպ առավել օգտակար են:
«Բացասական» կալորիաներով մթերքներ
- Բանջարեղեն- կանաչ լոբի, ծնեբեկ, սպիտակ ճակնդեղ, գազար, ծաղկակաղամբ, սպանախ, լոլիկ, վարունգ, կանաչ ոլոռ, նեխուր, մաղադանոս
- Մրգեր և հատապտուղներ- խնձոր, կիտրոն, պոմելո, լայմ, հապալաս, ազնվամորի
- Համեմունքներ և խոտաբույսեր- դարչին, մեխակ, պղպեղ, սխտոր, իմբիր, սոխ, կտավատի սերմեր
Այլ օգուտներ «բացասական» կալորիաներով մթերքներից
- Ակտիվացնում են նյութափոխանակությունը:
- Օգնում են հսկել արյան մեջ շաքարի քանակը:
- Էներգիա են հաղորդում:
- Լավացնում են սննդի մշակումը և նպաստում են ուղիղ աղու մաքրմանը:
- Նպաստում են լյարդի մաքրմանը:
- Կանխարգելում են օրգանիզմում հեղուկի մնալը:
- Իջեցնում են օրգանիզմում խոլեստերինի մակարդակը:
- Լավացնում են մազերի, մաշկի, նույնիսկ եղունգների վիճակը:
- Օգնում են ուշադրության կոնցենտրացիային:
- Դրանց մի մասը կարող են օգնել նաև նվազեցնել սթրեսը և դեպրեսիան:
Ամենաընթերցվածը
