Ուկրաինական բորշ

Բաղադրամասեր

միս - 1 կգ

կարտոֆիլ - 3 հատ,

կաղամբ - 1 հատ (300 գրամ ),

բազուկ - 1 հատ,

գազար - 3 հատ,

սոխ - 2 հատ,

լոլիկ - 2 հատ,

տոմատի մածուկ - 2 ճգ,

քաղցր կամ կծու պղպեղ - 1 հատ,

դափնու տերև - 2 հատ,

յուղ,

սխտոր - 1 պճեղ,

մաղադանոս,

աղ, պղպեղ,

թթվասեր

Պատրաստման եղանակը

Նախապես տավարի միսը խաշել, այնուհետև կտրատել ոչ շատ մեծ կտորներով և ավելացնել արգանակի մեջ: Մանր կտրատել կաղամբը, գազարը, բազուկը, սոխը, կարտոֆիլը:

Այնուհետև բազուկը տապակել յուղի մեջ, ավելացնել տոմատի մածուկը և եփել 10 րոպե: Ձեթի մեջ տապակել սոխը, գազարը: Եռացած արգանակի վրա ավելացնել կարտոֆիլը, այնուհետև կաղամբը, բազուկը նախապես եփված տոմատի մածուկով և շարունակել եփել այն 15 րոպե:

Այս ամենին ավելացնել սոխով տապակված գազարը, մաղադանոսը, դափնու տերևները, պղպեղը, աղը: Վերջում խոզի ճարպի փոքր կտոր ու սխտոր ավելացնել և կրակն անջատել: Մատուցել թթվասերի հետ: