Բաղադրամասեր
Խմորի համար՝
մեղր - 70 գր,
շաքարավազ - 150 գր,
ալյուր - 350 գր,
կակաո - 30 գր
կարագ - 100 գր,
ձու - 2 հատ,
սոդա - 1 թ/գդ,
Կրեմի համար ՝
թթվասեր - 350 գր (25-30%),
շաքարավազ - 150 գր
եգիպտացորենի օսլա (крахмал) - 20 գր.
ձու - 1 հատ,
կարագ - 200 գր
Պատրաստման եղանակը
Պատրաստում ենք խմորը: Շաքարավազը, կարագն ու մեղրը դնում ենք գոլորշու վրա և խառնում: Գոլորշու վրայից հանում ենք, ավելացնում սադան և ձվերը: Լավ խառնում ենք, ավելացնում մաղած ալյուրն ու կակաոն և խմոր հունցում:
Խմորը 8 մասի ենք բաժանում, յուղաթղթի վրա դնում և 2-3 մմ հաստությամբ գրտնակում: Այնուհետև խմորները թխում ենք նախօրոք 180 աստիճան տաքացրած ջեռոցում 6-8 րոպե: Պատրաստի խմորները հավասարեցնում ենք:
Պատրաստում ենք կրեմը: Կաթսայի մեջ լցնում ենք թթվասերը, շաքարավազը, ձուն, օսլան և մարմանդ կրակին եփում: Կաթսան պոլիէթիլենային թաղանթով փակում ենք և հովացնում:
Մեկ այլ ամանի մեջ լավ հարում ենք կարագն ու ընթացքում գդալ առ գդալ ավելացնում թթվասերային կրեմը:
Հավաքում ենք տորթը: Շերտերը լավ կրեմապատում ենք և վրան խմորի փշրանքներ ցանում: 8-12 ժամով տեղափոխում ենք սառնարան:
