Բաղադրամասեր
Խմորի համար ՝ ալյուր – 200 գր
շաքարավազ – 50 գր,
կարագ – 100 գր,
կիտրոն – 0,5 հատ,
ձու – 1 հատ,
Միջուկի համար՝
կիտրոն – 3,5 հատ,
շաքարավազ – 200 գր,
ալյուր – 50 գր,
ձու – 4 հատ
Պատրաստման եղանակը
Պատրաստում ենք խմորը: 200 գր ալյուրը մաղում ենք սեղանի վրա, ավելացնում ենք 50 գր շաքարավազը, կես կիտրոնի կեղևը, մանր քերիչով անցկացրած սառը կարագը և արագ դանակով փշրում ենք: Ավելացնում ենք ձուն, կես կիտրոնի հյութը և արագ խմոր ենք հունցում՝ անհրաժեշտության դեպքում 1 ճ/գդ սառը ջուր ավելացնելով:
Խմորն ալրապատ սեղանի վրա 3 մմ հաստությամբ շերտով գրտնակում ենք, դնում 25 սմ տրամագծով ձևամանի մեջ և 15 րոպեով տեղափոխում սառնարան:
Պատրաստում ենք միջուկը: Մնացած կիտրոնների կեղևը խառնում ենք 200 գր շաքարավազի հետ և թողնում 15 րոպե:
Ավելացնում ենք 50 գր ալյուրն ու խառնում, որից հետո լցնում ենք մնացած կիտրոնների հյութը, 4 ձուն, զանգվածը խառնում ենք և 30 րոպեով հանգիստ թողնում:
Խմորի վրա թուղթ ենք դնում, իսկ վերջինիս վրա էլ` որևէ ծանրություն (լոբի): Այնուհետև ձևամանը 15 րոպեով դնում ենք մինչև 200 աստիճան տաքացրած ջեռոցը: Ժամանակը լրանալուն պես ծանրությունն ու թուղթը հանում ենք և պիրոգը 30 րոպեով թխում 160 աստիճան տաքացրած ջեռոցում:
Պիրոգը սառեցնում ենք ձևամանի մեջ:
