Զգուշացեք։ Եթե հանքային ջուր եք խմում, ապա սրա մասին պետք է իմանաք
Դիտումներ 486 
ջրի որոշ տեսակներ բուժիչ են, և դրանք հարկավոր է ընդունել բժշկի նշանակմամբ, և ոչ թե այն ժամանակ, երբ ցանկանում եք։ Գոյություն ունեն հանքային ջրերի մի քանի տեսակներ.
• բուժիչ՝ բարձր հանքայնացում- 10-15 գրամ՝ մեկ լիտրին
• բուժիչ-սեղանի՝ միջին հանքայնացում- 4-9 գրամ՝ մեկ լիտրին
• սեղանի՝ ցածր հանքայնացում- 2-3 գրամ՝ մեկ լիտրին։
Որպես կանոն՝ այս տեղեկատվությունը կարող եք գտնել պիտակի վրա։ Սեղանի հանքային ջուրը կարելի է օգտագործել ըստ ցանկության, իսկ բուժիչները՝ միայն մասնագետի խորհրդով։ Բուժիչ հանքային ջուրը պետք է նշանակված լինի բաղադրատոմսով, իսկ ավելորդ քանակով օգտագործման դեպքում կարող է նույնիսկ վնաս հասցնել։
Ինչ ազդեցություն է ունենում հանքային ջուրն առողջության վրա։ Հանքային ջրի բուժիչ հատկությունները կարող են որոշվել.
• բաղադրությամբ
• քանակով
• օգտագործման եղանակով։
Օրինակ՝ հիդրոկարբոնատի պարունակությամբ հանքային ջուրը ցուցված է միզասեռական համակարգի հետ կապված խնդիրների դեպքում, սակայն, եթե խնդիրներ ունեք աղեստամոքսային տրակտի հետ, օրինակ՝ տառապում եք գաստրիտով, այն օգտագործել խորհուրդ չի տրվում։ Ցածր թթվայնության դեպքում ցուցված են քլորի իոնների պարունակությամբ ջրերը։ Սուլֆատի պարունակությամբ ջրերն օգտակար են փորկապության դեպքում։ Սուլֆատային ջրերն օգտակար են նաև հետևյալ դեպքերում.
• ավելորդ քաշ և ճարպակալում
• քրոնիկ գաստրիտ
• շաքարային դիաբետ
• աղեստամոքսային տրակտի հիվանդություններ։
Քլորիդների պարունակությամբ ջուրը, որպես կանոն, խորհուրդ է տրվում.
• նյութափոխանակության հետ կապված խնդիրներից ազատվելու համար
• աղիների աշխատանքը վերականգնելու համար
• նյութափոխանակության պրոցեսները լավացնելու համար
• որովայնի և ենթաստամոքսային գեղձի աշխատանքը լավացնելու համար։
Այս դեպքում հակացուցումների շարքում են հիպերտոնիկ հիվանդությունները։
Բժիշկները հաճախ են խոսում այն մասին, որ առանց մասնագետի հսկողության՝ խորհուրդ չի տրվում բուժիչ հանքային ջրեր օգտագործել։ Նույնիսկ բուժիչ-սեղանի ջրերը հարկավոր է օգտագործել 30 օրվանից ոչ ավելի, ապա դադար տալ։
Ամենաընթերցվածը
