Զգուշացեք Ալցհեյմերի հիվանդությունից. Ահա մի քանի մթերքներ, որոնք կպահեն ուղեղի երիտասարդությունը
Դիտումներ 7009 
Ալցհեյմերի հիվանդությունը տկարամտության մի ձև է, որն ազդում է շատ տարեց մարդկանց վրա: Ոմանք կարծում են, որ այս խանգարումը ծերացման գործընթացի նորմալ հետեւանք է, սակայն դա այդպես չէ։
Այս հիվանդությունը չի բուժվում, ուստի ավելի լավ է ձեր բոլոր ջանքերը ներդնել դրա զարգացումը կանխելու համար, հատկապես, եթե տարիքը արդեն մոտենում է թոշակի անցնելուն:
Կանխարգելման արդյունավետ ձևերից մեկը դիետան է։ Ահա այն մթերքների ցանկը, որոնք պետք է ներառել ձեր ճաշացանկում, որպեսզի հիվանդությունը չզարգանա, իսկ ուղեղը չծերանա։
Լոբի
Հիվանդությունների ռիսկը նվազեցնելու համար պետք է շաբաթական 3 անգամ լոբի և հատիկեղեն ուտել։ Նրանք հարուստ են բջջանյութով և սպիտակուցներով, բայց քիչ կալորիաներով և ճարպերով:
Ձիթապտղի յուղ
Ձիթապտղի յուղը հիանալի մթերք է, երբ խոսքը վերաբերում է Ալցհեյմերի կանխարգելմանը: Այն պարունակում է օլեոկանտալ կոչվող նյութ։ Նրա շնորհիվ օրգանիզմը մեծացնում է ֆերմենտների ու սպիտակուցների արտադրությունը, որոնք ոչնչացնում են Ալցհեյմերի հիվանդության պատճառ հանդիսացող նյութերը։
Հազարի տերևներ
Դրանք առողջ սննդակարգի կարևոր բաղադրիչն են: Տերեւները պարունակում են մեծ քանակությամբ B1, B9 վիտամիններ եւ բետա-կարոտին։
Հապալաս
Հատապտուղները ամենահզոր մթերքներից են, երբ խոսքը վերաբերում է ուղեղը պաշտպանելուն, այդ իսկ պատճառով մարդիկ պետք է այն օգտագործեն շաբաթական 2 անգամ։ Հատապտուղները հարուստ են հակաօքսիդանտներով, որոնք աջակցում են ուղեղի առողջությանը:
Ամենաընթերցվածը
